Sirkasíumenn
(Endurbeint frá Sjerkesar)
Sirkasíumenn eða Sjerkesar eru norðurkákasískt þjóðarbrot kennt við Sirkasíu við botn Svartahafs. Þegar Rússland lagði Kákasus undir sig í Kákasusstríðinu á 19. öld, sérstaklega eftir Stríð Rússa og Sirkasíumanna 1864, flúði stór hluti þeirra til Tyrkjaveldis og Persíu. Flestir þeirra aðhyllast súnní íslam.
![](http://178.128.105.246/content-http-upload.wikimedia.org/wikipedia/commons/thumb/f/fd/%C3%87erkez_s%C3%BCrg%C3%BCn%C3%BCn%C3%BCn_an%C4%B1lmas%C4%B1_1.jpg/220px-%C3%87erkez_s%C3%BCrg%C3%BCn%C3%BCn%C3%BCn_an%C4%B1lmas%C4%B1_1.jpg)
Um 700.000 Sirkasíumenn búa enn í Sirkasíu (rússnesku lýðveldunum Adygeu, Kabardínó-Balkaríu, Karatsaj-Tsjerkessíu og suðurhluta Krasnodarfylkis). Samtök þjóða án fulltrúa áætla að Sirkasíumenn utan Sirkasíu séu um 3,7 milljónir, þar af tvær milljónir í Tyrklandi, 700.000 í Rússlandi og 150.000 í löndunum við botn Miðjarðarhafs.