Bewnans
Bewnans yw tybyans yn bewonieth a-dro dhe'n studh, modh po teythi a wra divagli neppyth bew a stoff marow. An ger "bewnans" a yll styrya ynwedh an spys mayth yw neppyth bew ynno (yntra genesigeth ha mernans).
![](http://178.128.105.246/content-http-upload.wikimedia.org/wikipedia/commons/thumb/9/97/The_Earth_seen_from_Apollo_17.jpg/300px-The_Earth_seen_from_Apollo_17.jpg)
Studhya bewnans yw henwys bewonieth ha nebonan a studh hemma yw bewonydh. An brassa rann a vewnans war an Nor yw nerthys gans nerth an Howl: an unnsel taklow ken yw bakteria kemosynthetek a-dro dhe dardhellow dowrdesel war leur an keynvor.
Bewnans oll war an Nor yw selys war gymygieth kesstoffow karbon, yn komparek gans molekulow chayn hir kepar ha protenow ha trenken sprusennek (nukleyek). Gans dowr, hag yw res dhe vewnans oll, molekulow hir yw maylys a-ji dhe genennow avel kellow. Nyns on ni sur mars yw hemma gwir rag pub eghen possybyl a vewnans y'n Ollvys, mes gwir yw rag bewnans oll war an Nor hedhyw.
Yma'n erthygel ma owth usya an Furv Skrifys Savonek a-barth Kernowek kres.
![]() |
Onan a'n deg erthygel posekka war Wikipedya yw an erthygel ma. |