Divin
Un divin es un esente supranatural tipal videda como santa, un dio o diva en un sistem de crede politeiste. Un divin es un divin con potias plu grande ca los de umanas normal, ma ci interata con umanas en un modo positiva o negativa.
![](http://178.128.105.246/content-http-upload.wikimedia.org/wikipedia/commons/thumb/b/b4/La_Tombe_de_Horemheb_cropped.jpg/220px-La_Tombe_de_Horemheb_cropped.jpg)
An ce relijiones monoteiste vide tradisional sua Dio como omnipotente, omnipresente, omnisiente, omnibonvolente, e eterna, no de esta cualias es esensal a la defini de un divin, e cultures variosa conseti sua divines diferente.
Istorial, multe cultures antica - incluinte la mesopotamianes antica, egiptes, elinicas, romanes, e la vicinges - personi fenomenos natural, como la causas o efetos intendeda. Alga divines avestan e vedal es videda como consetas etical. En relijiones indian, divines ia es videda como vivente felis en paradiso, ma ance mortal e cargada par la regulas de carma.
Atentas per esplica razonante la crede en divines estende a Elas antica. La filosofiste elinica Democrito ia razona ce la conseta de divines ia orijina cuando umanas ia oserva fenomenos natural como lampo, eclises solal, e la cambia de saisones. Plu tarde, en la sentenio tre aec, la erudita Euhemero ia sujeste en sua libro Istoria Santa ce la divines ia es orijinal res umana e mortal ci ia es divinida pos mori, e ce relijio ia es donce la continua de la renas de esta res, un idea aora conoseda como euhemerisme.
Un tende per crede en divines e otra esentes supranatural es posible un parte integra de la consensa umana. Enfantes tende natural a crede en esentes como dios, spiritos, e demones, an sin es empapada en un tradision relijiosa spesifada. Umanas ave un sistem de deteta intendes, cual ave un tende per conclui ce avenis es causada par esentes intelejente, an si lo no es vera. Esta es un sistem cual ia evolui per reata a menasas a la survive de asendentes umana. Umanas tende ance a pensa teleolojial e dona sinifia a sua ambientes, cual posible condui persones per crede en un creor. Lo es un efeto ladal de intelejente sosial, la capasia de deteta cual otra persones es pensante.
Naras de encontras con esentes supranatural es spesial probable renarada, pasada a otras, e ornada, la resulta de sua descrive de categorias normal (persones, animales, ojetos, etc) con cualias nonormal (nonvidablia, potias estraordina, etc). Cuando la crede e divines ia sperde, umanas ia atribui pensa e emosia a los, cual ia condui a la idea de demanda aida de los par prea e dona ofres a los, idea cual es trovada en tota cultures de mundo.
Sosiolojistes de relijio ia sujeste ce la personalias e otra cualias de divines pote refleta la identia e autorespeta de un cultur, e ce la cultur projeta sua valuas a la divinas. Sosias temente tende inventa divinas violente e comandante, e sosias secur tende inventa divinas amante e compatinte. Otras sujeste ce consetas de divines es xef un modo de enforsa moralia e promove comunias plu cooperante.
Per detalias vade a mitolojia, relijio, e cultures spesifada.