Rio Ron
La Rio Ron es un de la rios major de Europa con du veses la descarga promedia de la Loire (la rio franses la plu longa), comensante en la glasia Ron en la Alpes suiz a la fini este de la canton suiz de Valais, corente tra Lago Genev e continuante tra Frans sude-este. A Arles, prosima a sua boca a la Mar Mediteraneo, la rio divide se entre du ramos, la Ron grande e la Ron peti. La delta resultante es nomida la rejion Camargue, o "la vano".
![](http://178.128.105.246/content-http-upload.wikimedia.org/wikipedia/commons/thumb/3/39/Rhone_drainage_basin.png/220px-Rhone_drainage_basin.png)
![](http://178.128.105.246/content-http-upload.wikimedia.org/wikipedia/commons/thumb/7/70/Rh%C3%B4ne_%C3%A0_Gen%C3%A8ve_2.jpg/220px-Rh%C3%B4ne_%C3%A0_Gen%C3%A8ve_2.jpg)
![](http://178.128.105.246/content-http-upload.wikimedia.org/wikipedia/commons/thumb/a/a9/France_Avignon_Total_1.jpg/220px-France_Avignon_Total_1.jpg)
![](http://178.128.105.246/content-http-upload.wikimedia.org/wikipedia/commons/thumb/d/d2/Rhone_River_SPOT_1296.jpg/220px-Rhone_River_SPOT_1296.jpg)
La Ron comensa como la acua fondeda de la Glasia Ron en Valais, en la Alpes suiz, a un altitude de sirca 2208 metres. Continuante a Lago Genev, la vale streti, cual ia dona la vale un importa per stratejia per control de la pasajes tra la Alpes. Lago Genev fini en Genev. Pos un curso de 290 km, la Ron departe de Suiz e entra la Montes Jura sude. De Lyon, lo flue sude, entre la Alpes e la Massif Central ("Montania Sentral"). A Arles, la Ron divide e esflue en la Mar Mediteraneo.
La Ron ia es un via importante de la edas de la elinicas e la romanes. Lo ia es un via major per comersia de la Mediteraneo a Galia este-sentral. Lo ia aida en la introdui de influes cultural elinica a la cultur Hallstatt e la cultur La Tene. Plu tarda, la Ron ia resta un rejion importante per la Impero Roman e ultima per Frans.