Mönster
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/4/43/North_rhine_w_MS.svg/150px-North_rhine_w_MS.svg.png)
![](http://178.128.105.246/content-http-upload.wikimedia.org/wikipedia/commons/thumb/5/52/Muenster_Braun-Hogenberg.jpg/250px-Muenster_Braun-Hogenberg.jpg)
Mönster (Duits: Münster; Nedersaksisch: Mönster; Nederlands: Munster) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't noordweste vaan Noordrien-Wesfale. De Wesfaalse plaots is de hoofstad vaan Regierungbezirk Münster, ligk neet zoe wiet vaan Hamm en grens aon de kring Kreis Coesfeld, Kreis Steinfurt en Kreis Warendorf. Mönster ligk op 'n hoegte vaan 60 meter. De stad heet 'n oppervlak vaan 303,28 km², en volgens de census vaan 2014 gief 't dao 299.708 inwoeners. Heimèt heet 't 'n bevolkingsdeechte vaan 988 de veerkante kilometer. Sinds de nuie stadsraod vaan 2014 is de CDU de groetse polletieke partie mèt 25 zetels. Op de twiede en daarde plaots komme daan SPD (19) en de Grüne (14). Mèt 48.000 studènte in 2014 gief 't hei 'n groete universiteit, de Westfälische Wilhelms-Universität. Zie is, zoewie me al zaw kinne sjatte daankzij de naom, ein vaan de meis gekoze universiteite in Wesfale. 't Gief 'n hendeg sterk samewirkingsverband tösse de universiteit vaan Mönster en de Universiteit vaan Ninmege. De stad besteit oet zès distrikte.
In Latien sprik me vaan Monasterium. In de Middeliewe waor zie de hoofstad vaan 't Sauerland.
Brón
bewirk- Duutstaolege Wikipedia