Fitaterana an-dranomasina
Ny fitaterana an-dranomasina dia endrika isehoan' ny fitaterana izay tanterahina amin' ny fitaovam-pitaterana afaka mivoivoy eny an-dranomasina na an-dranomasimbe. Io no karazam-pitaterana io no misahana ny ankabeazan' ny fitaterana ny entam-barotra. Isan' ny fitaovam-pitaterana an-dranomasina ny lakana sy ny botry ary ny sambo.
![](http://178.128.105.246/content-http-upload.wikimedia.org/wikipedia/commons/thumb/1/1c/Brosen_2floating_docks.jpg/319px-Brosen_2floating_docks.jpg)
Efa tsy be mpanao ankehitriny ny ftaterana olona an-dranomasina noho ny fandrosoan' ny fitaterana an' habakabaka. Tsy misy tavela amin' izany raha tsy ao amin' ny sehatra roa, dia ny fiampitana fohy sy ny fitsangantsanganana an-dranomasina. Manampy izany ny fandehanan-davitra anaovana fikarohana ara-tsiasa na anaovana fanatanjahan-tena, izay tsy tena mahakasika ny atao hoe fitaterana.
Ny sehatra iraisam-pirenena no tena ampiasana ny fitaterana an-dranomasina, nefa fahita ihany koa ny fitaterana an-dranomasina mampifandray toerana roa na maro ao amin' ny morontsiraky ny firenena iray na eo anelanelan' ny tangoro-nosin' ny firenena iray na amin' ny tany lehibe sy ny nosy iray na maro.