Mel Brooks
Mel Brooks (egentlich Melvin Kaminsky; * 28. Juni 1926 in Brooklyn, New York) is en US-amerikaanschen Komiker un Speelbaas. Bekannt is he vör allen dör siene Filmparodien op beröhmte Filmen ut de Filmgeschicht.
![](http://178.128.105.246/content-http-upload.wikimedia.org/wikipedia/commons/thumb/0/00/Mel_Brooks.jpg/220px-Mel_Brooks.jpg)
Na’n Tweten Weltkrieg füng Brooks as Böhnenkomiker an, wobi em de Komiker Sid Caesar seeg un em as Schriever för siene Sketche anhüer. To disse Tiet dreep Brooks ok Carl Reiner, mit den tohoop he vun 1961 an en poor Schallplatten mit Sketche opnehm. 1965 möök he denn mit Buck Henry de Feernsehserie Get Smart. Na den Spood, den he mit disse Reeg harr, kunn he licht en Produzent för sien eersten Speelfilm The Producers (1968) finnen. Dat Thema weer gewaagt – en jüüdschen Produzent an’n Broadway, bi den dat Geschäft nich mehr so rund löppt, will veel Geld vun de Investoren innehmen un, nadem he sien billig tosamenschoostert Musical mit en Thema över Adolf Hitler op Schiet sett hett, mit dat Geld afhaun – doch de Film harr groten Erfolg un Brooks kreeg en Oscar för dat beste Originaldreihbook. In’t Johr 2001 harr en Musicalutgaav vun The Producers an’n Broadway sien Premier un kreeg twölf Tony-Priesen.
Na The Producers möök Brooks mit The Twelve Chairs (1970) eerstmal en traditschonelle Komödie. 1974 möök he mit Blazing Saddles un Young Frankenstein twee grote Parodien op de Western- un Horrorfilmen. Wiedere Filmen weren Parodien op de Hitchcock-Filmen (High Anxiety), Science-Fiction (Spaceballs) oder de velen Filmen över Robin Hood de dat ene Tiet geev (Men in Tights). Ok möök he as Produzent so gor nich tyypsche Filmen as The Elephant Man vun David Lynch.
Nadem de Dracula-Parodie Dracula - Dead and Loving It 1995 nich so good ankeem, is dat bi Brooks wat suutjer worrn mit dat Filmemaken.
He weer siet den 5. August 1964 in twete Eh mit de an’n 6. Juni 2005 doodblevene Schauspelersche Anne Bancroft verheiradt. Vörher weer he vun 1951 an mit Florence Baum verheiradt wesen, vun de he sik 1961 harr schieden laten.
Filmografie (Utwahl)
ännernJohr | Titel | Funkschoon | Synchroonsnacker |
---|---|---|---|
1950-54 | Your Show of Shows, Feernsehreeg | Dreihbook | — |
1960 | The Man in the Moon, Feernsehn | Dreihbook | — |
1963 | Inside Danny Baker, Feernsehn | Dreihbook | — |
1968 | The Producers dt.: Frühling für Hitler |
Dreihbook Speelbaas Stimm |
|
1970 | The Twelve Chairs dt.: Zwölf Stühle |
Dreihbook Speelbaas Dorsteller |
Alexander Welbat |
1974 | Blazing Saddles dt.: Der wilde wilde Westen |
Dreihbook Speelbaas Dorsteller |
Martin Hirthe |
1974 | Young Frankenstein dt.: Frankenstein Junior |
Dreihbook Speelbaas |
— |
1976 | Silent Movie dt.: Mel Brooks letzte Verrücktheit – Silent Movie |
Dreihbook Speelbaas Dorsteller |
Wolfgang Völz |
1977 | High Anxiety dt.: Höhenkoller |
Dreihbook Speelbaas Dorsteller Produzent |
Wolfgang Völz |
1971-77 | The Elctric Company, Feernsehreeg | Stimm | |
1979 | The Muppet Movie | Dorsteller | Gert Günther Hoffmann |
1981 | History of the World: Part I dt.: Mel Brooks – Die verrückte Geschichte der Welt |
Dreihbook Speelbaas Dorsteller Produzent |
Wolfgang Völz |
1983 | To Be or Not to Be dt.: Sein oder Nichtsein |
Dorsteller Produzent |
Wolfgang Völz |
1987 | Spaceballs dt.: Mel Brooks Spaceballs |
Dreihbook Speelbaas Dorsteller Produzent |
Wolfgang Völz |
1991 | Life Stinks dt.: Das Leben stinkt |
Dreihbook Speelbaas Dorsteller Produzent |
Wolfgang Völz |
1993 | Robin Hood: Men in Tights dt.: Robin Hood – Helden in Strumpfhosen |
Dreihbook Speelbaas Dorsteller Produzent |
Wolfgang Völz |
1994 | The Little Rascalls dt.: Die kleinen Superstrolche |
Dorsteller | Wolfgang Völz |
1995 | Dracula: Dead and Loving It dt.: Dracula – Tot aber glücklich |
Dreihbook Speelbaas Dorsteller Produzent |
Wolfgang Völz |
1999 | Svitati | Dorsteller | |
2002 | It’s a Very Merry Muppet Christmas Movie, Feernsehn dt.: Das größte Muppet Weihnachtsspektakel aller Zeiten |
Stimm | Wolfgang Völz |
2005 | The Producers | Dreihbook Stimm Produzent |
|
2005 | Robots | Stimm | Wolfgang Völz |
2003-07 | Jakers! The Adventures of Piggley Winks, Feernsehreeg dt.: Au Schwarte! |
Stimm | |
2008-09 | Spaceballs: The Animated Series | Dreihbook Stimm Produzent |
|
2015 | Hotel Transsilvanien 2, Trickfilm | Stimm | Dieter Hallervorden |
2018 | Blazing Samurai, Trickfilm | Stimm |
Literatur
ännern- Peter W. Jansen, Christa Maerker, et al: Mel Brooks in Peter W. Jansen, Wolfram Schütte (Hrsg.): Woody Allen - Mel Brooks. [Reihe Film Band 21]. Carl Hanser, München und Wien 1980, ISBN 3-446-12854-9
Weblenken
ännern- Mel Brooks in de Internet Movie Database (engelsch)