Mieszko Ièr de Polonha
Mieszko Ièr (vèrs 935 - 25 de mai de 992) es lo premier sobeiran conegut de la dinastia Piast e lo premier duc cap istoric de Polonha de 962 a 992. Succediguèt au duc legendari Siemomysl (vèrs 930 - vèrs 960) e foguèt remplaçat per son fiu Boleslau Ièr lo Valent. Es considerat coma lo fondator de Polonha.
![](http://178.128.105.246/content-http-upload.wikimedia.org/wikipedia/commons/thumb/0/08/MieszkoDagome.jpg/220px-MieszkoDagome.jpg)
Son rèine foguèt marcat per sa conversion au cristianisme en 966 que li permetèt de normalizar sei relacions ambé leis emperaires germanics e de renfòrçar son autoritat sus son estat, especialament gràcias a la creacion d'un evescat polonés en 968. En mai deis afaires intèrnas de son ducat, capitèt tanben d'estendre militarament son territòri vèrs lo sud, l'èst e lo nòrd ont agantèt la Mar Baltica.