Mig-21
Lo Mig-21 (« икоян и Гуревич МиГ-21 » en rus) es un avion de caça supersonic desvolopat per l'Union Sovietica dins lo corrent de la fin deis annadas 1950. Aperaquí 11 000 exemplars foguèron produchs de 1959 e 1985 e largament adoptat dins lo blòt sovietic ò dins lei país dau Tèrç Mond en causa de sei performàncias e de son còst feble. Ansin, en 2012, 793 unitats èran encara en servici dins lo mond.
![](http://178.128.105.246/content-http-upload.wikimedia.org/wikipedia/commons/thumb/3/3d/MiG-21_Lancer_C_cropped.jpg/220px-MiG-21_Lancer_C_cropped.jpg)
![](http://178.128.105.246/content-http-upload.wikimedia.org/wikipedia/commons/thumb/6/63/World_operators_of_the_MiG21.svg/220px-World_operators_of_the_MiG21.svg.png)
A conegut un nombre important de combats, especialament dins lo corrent de la Guèrra de Vietnam, la Guèrra dei Sièis Jorns, la Guèrra de Kippur, de la Tresena Guèrra Indopaquistanesa e de la Guèrra Iran-Iraq. Coma es un avion sensa ajuda electronica au pilotatge, sei performàncias varian considerablament en foncion de l'entraïnament dau pilòta e de seis opausants. Ansin, leis aparelhs vietnamians e arabis capitèron d'infligir de pèrdas a seis adversaris estatsunidencs ò israelians mai subiguèron generalament de pèrdas pus importantas[1]. Dins aquò, au mens 13 pilòtas vietnamians e 3 sirians obtenguèron l'estatut d'as dau combat aerian (5 victòrias ò mai) pendent aquelei guèrras. En 1971, lei Mig 21 indians dominèron lei F-104 Starfighter paquistanés[2]. Pasmens, au començament deis annadas 1980, leis engatjaments dei Mig 21 sirians còntra d'avions israelians pus modèrnes (F-15 e F-16) s'acabèron per de desfachas claras mostrant lei limits de l'aparelh còntra la generacion novèla d'aeronaus de combat[1]. Enfin, entre 1980 e 1988, lei Mig 21 iraquians obtenguèron un resultat equilibrat còntra lei F-14 e lei F-4 iranians[3][4].
Liames intèrnes
modificarBibliografia
modificarNòtas e referéncias
modificar- ↑ 1,0 et 1,1 (en) Y. Gordon, MiG-21 (Russian Fighters), Midland Publishing Ltd (2008).
- ↑ (en) E. Coggins, Wings That Stay on, Turner Publishing Company (2000).
- ↑ (en) T. Coopoer e F. Bishop, Iranian F-14 Tomcat Units in Combat (Osprey Combat Aircraft #49), Osprey Publishing (2004).
- ↑ (en) Y. Gordon e K. Dexter, Mikoyan Mig-21 (Famous Russian Aircraft), Ian Allan Publishing (2008).