Harry Potter
Harry Potter a l'é na conta literaria fantasy an set lìber, anventà da la scritris anglèisa Joanne Kathleen Rowling a l'achit ëd j'ani novanta e peui continuà tra 'l 1997 e 'l 2007. L'euvra a conta j'aventure dël giovo mascon Harry Potter e ëd sò mèj amis, Ron Weasley e Hermione Granger. Ël prinsipal leu dl'assion a l'é la Scòla 'd Magìa e Mascarìa ëd Hogwarts andoa a son educà e preparà ij giovo mascon e le giovo masche anglèise. A la finitiva la stòria a dura set ani, donca a-i é 'n lìber për minca ann ëd la serie, dal moment anté che Harry Potter, cit d'óndes ani restà sensa ni pare ni mare, a va a vive a Little Whinging con sò barba Vernon e soa magna Petunia Dursley, e bele-lì a dëscheurv soa condission ëd mascon e a ancamin-a a studié a Hogwarts. Harry Potter a l'é stàit un sucess da sùbit an Anghiltèra dël 1997, ann anté che a l'é stàit publicà 'l prim episòdi dla serie, con ël tìtol Harry Potter and the Philosopher's Stone. Dël 1998 ël sucess a l'ha giumai na dimension mondial an vagnand vàire premi an vàire pais; ant jë Stat Unì la ca 'd cinema Warner Bros a cata ij drit ëd cost lìber për fene 'n film e dël novèmber dël 2001, con la regìa 'd Chris Columbus, la stòria 'd Harry Potter, con l'ator Daniel Radcliffe, a trionfa an tut ël mond. Ant l'avril dël 2007, ij prim ses lìber a l'han vendù 400 milion ëd còpie e a son stàit virà an 64 lenghe. Belavans a-i é ancora pa na version piemontèisa. Përsonagi prinsipajmodìfica
La serie dij lìbermodìfica![]() La serie a l'é fàita da set lìber. Minca lìber ëd la serie a rapresenta n'ann ëd la vita ëd Harry da j'óndes ai disset ani; ij prim ses lìber a parlo ëd minca ann passà da Harry ant la scòla 'd magìa 'd Hogwarts che a dura pròpi set ani. Nopà, ël lìber ch'a fa set a l'é ambientà pì fòra che andrinta la scòla. An minca lìber l'atmosfera a l'é sempre pì sombra e a-i é'dcò sempre na maturassion ant ij protagonista; ant ël prim lìber tut a l'é fantàstich e festos antramentre che ant j'àutri, as riva (ëdcò për la mòrt ëd vàire përsonagi) a 'd moment d'oror. Ansema ai përsonagi, 'dcò lë stil ëd la conta as fa pì madur e antërtojà, irònich e adult. Ij lìber a son:
Ël lìber pì lesù dla serie a l'é col ch'a fa sìnch, "Harry Potter e l'órdin ëd la Fenis", ël pì curt a l'é 'l prim, "Harry Potter e la pera filosofal". |