Tiwisi:Tasna n Twisi

Brrk dar tasna n twisi n Wikipidya s Tclḥit, dɣid a ɣ rad taft kullu aylli tsɣawsat ad t tissant iɣ trit ad tbdut ɣ Wikipidya Taclḥit, ar gis tettarat imnnitn, tawst dɣ kyyin/kmmin ɣ usamu lli kullu imqqurn ɣ umaḍal. Ɣid a ɣ illa kullu mad izdin d twisi, rad gis taft mamnk a s rad tettarat imnnitn, mamnk s rad tn tsnflt, d manmk s rad tn tsnulfut, atg.

Maccan, fad ad tdrut ɣ Wikipidya Taclhit, yuf ad zwar dark yili umiḍan ɣ Wikipidya s rad k issann middn. Iɣ t ur tṭṭift nɣ ak ijla walli tt nn dark ikkan, tẓḍaṛt ad tskrt amiḍan amaynu (ujdid).

Ur d iqqan uzmmem ɣ Wikipidya. Tẓḍaṛt ad tarat, tsnflt, tdrut mqqar ur tzmmimt s umiḍan, maccan rad d iɣli wansa IP nnk i umata. Afad ad tqqilt ixf nnk zɣ uritl, ittuwṣṣa s uzmmem.

Afad ad tskrt amiḍan, iḍfuṛ iẓmmaẓẓaln ad llanin ddaw as:

1. Adr i « Zmmem » nɣ « Skr asmras » lli illan ɣ tɣʷmrt n uflla f ufasi n tasna nnk.
2. Ara aylli ttḍalabn ɣ idɣarn n tirra.
3. Skcm Ism n usmras.
4. Skcm Taguri n uzray.
5. Ur d iqqan uskcm n wansa alikṭṛuni (e-mail), maccan ittuwṣṣa sis.
6. Sɣẓn asddid n usmras nnk, tadrt f « Sɣẓn » lli illan ɣ uzddar n tasna.

Afad ad tsnflt kra ɣ imnnitn n Wikipidya Taclḥit, iḍfuṛ iẓmmaẓẓaln ad llanin ddaw as:

1. Zmmem s umiḍan nnk (iɣ trit) : Iɣ t ur tṭṭift iḍfuṛ tɣarasin n iggi.
2. Ddu s tasna n umnni nna trit ad tsnflt: sigglt s udɣar lli ɣ nsigil imnnitn.
3. Adr i « Snfl »: rad tt taft ɣ uflla afasi n tasna n umnni.
4. Skr isnfal nnk: iɣ trit ad tsnflt kra nɣ trit ad tzaydt kra n uḍṛiṣ i umnni.
5. Rnu Tisuɣal nnk: iqqan d, iɣ turit kra, ad tzayd tisuɣal n inɣmissn nna ɣinn turit fad ad bdda tɣama lmisdaqya n ɣaylli ittillin ɣ Wikipidya.
6. Fsr isnfal nnk: kudnna tkmmt isnfal nnk kullu tn, adr i «Fsr isnfal».

Ad yili ɣ yixf nnk: Kraygatt amara iga anbdad f tdrawin nns lli srs ẓlinin.

Llant kigan n tɣarasin iɣ rad tsnulfut amnni amaynu, tad tga yat gisnt, ḍfṛ tɣarasin ad llanin ddaw as:

1. Zmmem s umiḍan nnk (iɣ trit) : Iɣ t ur tṭṭift iḍfuṛ iẓmmaẓẓaln n iggi.
2. Ddu s tasna tamzwarut nɣ tasna ad nit: Tlla yat talɣa n usnulfu n imnnitn ɣ uzddar.
3. Ara ism n tasna: Ad ur tettut ad t tarat s ugmmay amaziɣ alatin, ig uskkil amzwaru askkil amqqran (Majuscule).
4. Ara amnni.
5. Fsr amnni: iɣ thiyyit, adr f « Fsr isnfal ».

Ad yili ɣ yixf nnk: Kraygat amara iga anbdad f tdrawin nns lli sis ẓlinin.

• Mamnmk a s rad stiɣ tifinaɣ am ugmmay amzwaru?
• Manmk a s rad araɣ amnni ifulkin?
• Manmk a s rad snflɣ ism nɣ azwl n kra n tasna?
• Manmk tga taɣarast n tirra n imnnitn?
• Tiwisi i tirra n imnnitn

• Tigmmi n umsawal
• Imaratn n Wikipidya s Tclḥit

• Izdayn ifulkin
• Agmmay Alatin-Amaziɣ