1520
Jierhunnert: | 15. Jierhunnert · 16. Jierhunnert · 17. Jierhunnert |
Jier: | < · 1518 · 1519 · 1520 · 1521 · 1522 · > |
![]() | |
Gregorioansken Kalänner | 1520 MDXX |
ab urbe condita | 2273 |
Armeensken Kalänner | 969 ԹՎ ՋԿԹ |
Chineesken Kalänner | 4216 – 4217 |
Äthiopisken Kalänner | 1512 –1513 |
Hebräisken Kalänner | 5280 – 5281 |
Hindu-Kalännere | |
- Vikram Samvat | 1575 – 1576 |
- Shaka Samvat | 1442 – 1443 |
Iroansken Kalänner | 898 –899 |
Islamisken Kalänner | 926 –926 |
Foarfaale
Beoarbaidje- 19. Januoar: In ju Slacht bie Bogesund wäd die sweediske Rieksferwalter Sten Sture die Jungere truch Köönich Christian II. fon Dänemark un Norwegen sloain. Infoulge fon ju Slacht stäärf Sten Sture ap dän 3. Februoar oun sien Seeregaid.
- 6. Meerte: Ousoande fon do Deenske un die Sweediske Rieksräid eenigje sik deer ap, dät Christian II. uk Köönich fon Sweeden wäd. Man bloot unner do Bedingengen, dät dät een aalmeene Amnestie rakt un dät die Rieksräid dän Ienfloud kricht, die in dän Rezess fon Kalmar uutmoaked waas. Man do Ounhongere fon dän Dooden Rieksferwalter Sten Sture sunt deer juun un staale in ju Foulgetied een Troppe fon Buuren uut Västmanland un Dalarna juun do Deenske ap.
- 15. Juni: Leo X. truuet Martin Luther in sien Skrift Exsurge Domine mäd ju Exkommunisierenge, wan hie nit binne säkstich Deege eenunfjautich fon sien 95 Thesen tourächnimt. Luther oantwoudet deerap leeter mäd ju uut trüütich Thesen bestoundende Toankskrift "Von der Freihaitt aines Christenmenschen". Ätter Ouloop fon ju Tied skuul hie dän Bräif fon dän Poabst ferbaadenje.
- 30. Juni: In ju Tied fon ju Spoanske Ärooberenge fon Mexiko wäd die fon do Spaniere fangde aztekiske Heersker Moctezuma II. truuch aan smietenen Steen fon uurs n Azteke uumebroacht. In ju Noacht deer ätter („Noche Triste“, ap seeltersk „Truurige Noacht“) ferdrieuwe do Azteken do spoanske Troppen uut hiere Haudstääd Tenochtitlan.
- 7. September: Die deenske un norweegiske Köönich Christian II. kon ätter loange Beleegerenge in Stockholm ienluuke, man deerfoar mout hie fuul Juunstriedere so as Christina Gyllenstierna, dät Wiedewieuw fon dän Rieksferwalter Sten Sture dän Jungeren, Amnestie toutälle.
- 21. September: Sultoan Selim I. fon't Osmaniske Riek stäärft, sin Ätterfoulger wäd sin Suun Süleyman I..
- 4. November: Die deenske un norweegiske Köönich Christian II. lät sik uk toun Köönich fon Sweeden krounje, wiermäd ju heele Kalmarer Union wier unner aan Heersker fereend is.
- 8. un 9. November: Mäd ju Begruundenge fon Kätseräi wäide sowät hunnert fröiere Juunstriedere fon Köönich Christian II. in Stockholm waigjuchted. Dät gungt as Stockholmer Bloudboad in ju Geskichte ien.
- 28. November: Ferdinand Magellan kumt ap sien Waarelduumsailenge truch ju leeter ätter him benaamde Magellansträite, een Äängte twiske dät Fäästlound fon Suudamerikoa un dät Ailound Fjuurlound, in dän fon him so benaamden Pazifisken Ozeoan.
- 10. Dezember: Martin Luther ferbaadent dän truujenden Bräif fon dän Poabst (sjuch buppe).
Tou Waareld keemen
Beoarbaidje- 7. Oktober: Alessandro Farnese, italieensken Kardinoal
Stuurwen
Beoarbaidje- 3. Februoar: Sten Sture die Jungere, Sweedisken Rieksferwalter
- 6. April: Raffaelo Santi ("Raffael") Moaler in ju Renaissance.
- 30. Juni: Moctezuma II., Heersker fon do Azteken
- 21. September: Selim I., Sultoan fon dät Osmaniske Riek.
- 28. Oktober - Grutte Pier, fräisken Fräidums-Strieder