Lep
Lep | ||||||||||||
---|---|---|---|---|---|---|---|---|---|---|---|---|
![]() Lepan tipine erik — Alnus glutinosa, Saksanma | ||||||||||||
Tedoklassifikacii | ||||||||||||
|
||||||||||||
Latinankel'ne nimi | ||||||||||||
Álnus Mill., 1754 | ||||||||||||
Areal | ||||||||||||
|
Lep (latin.: Alnus) om lehtezpuiden i penzhiden heim, mülütadas Koivunvuiččed-sugukundha. Heim kogoneb läz 40 erikospäi i niiden 10 gibridaspäi.
![](http://178.128.105.246/content-http-upload.wikimedia.org/wikipedia/commons/thumb/4/40/Leppa_kukkii.jpg/150px-Leppa_kukkii.jpg)
Ümbrikirjutand
vajehtaKazvab Pohjoižen mapoliškon venos vönes tobjimalaz, suvemb — vaiše mägil. Elonform voib vajehtadas kazvandan sijha kacten. Lehtesed čereduišoiš, ned oma ünäižed i varzil.
Änikoičeb kevädel, erased mererandaližed erikod — redukus-tal'vkus. Tullei pölüstoitab. Pord pölüstoitandan i sugutandan keskes sase 85 päiväd, ka semned küpsnedas redukule.
Kävutand
vajehtaKävutadas pumaterialaks, varhapandas haugoid. Ištutadas dekorativižeks kazmuseks. Ottas käbuid i lehtesid zelläks. Kor' kävutase dubimha nahkoid. Sadas mustad, rusttad i pakušt sauvondmujuid.
Lep paremboičeb mahust, ka semetas kaivuztegimišton samižen jändusil. Aigaline medenkandai kazmuz.
Lepha sidodud vepsän tärtused
vajehta- Lepišt, lepšom — lepaine mec.
- Roug, rougad — lepan kor' mujutamha kanghid.
Lepha sidodud vepsän muštatišed
vajehta
- Lepaižes kandospäi lepaine barbaine-ki kazvab.
- Oli aigaine, ei pidand kurgesine aidaine, a tuli aigaine, pidab lepän barbaine.
Kacu mugažo
vajehtaHomaičendad
vajehta
Lep Vikiaitas |