Frans-Guyana
Frans-Guyana Guyane | |
---|---|
![]() |
![]() |
![]() Frans-Guyana in Zuud-Amerika | |
Officiële toale | Frans |
Hoofdstad | Cayenne |
Stoatsvorm | |
Stoatshoofd | |
Êerste minister | |
Ippervlak | 83.534 km² |
Inweuners | 294.436 (2022) 3,5 inw./km² |
Munte | Euro (EUR) |
Tydzone | UTC -3 |
Landcode | gf, GUF |
Telefongcode | 594 |
Internet-TLD | .gf |
Nationale fêestdag | 14 juli |
Frans-Guyana (Frans: Guyane) is e Frans overzees departement (département d'outre mer) an de nôordkust van Zuud-Amerika. 't Is 't grotste gebied van d' Europeesche Unie buutn Europa. 't Grenst in 't westn an Suriname en in 't ôostn en 't zuudn an Brazilië. 't Departement is oenderverdêeld in 2 arroendissementn en 22 gemêentn. Den hoofdstad is Cayenne.
![](http://178.128.105.246/content-http-upload.wikimedia.org/wikipedia/commons/thumb/9/98/French_Guiana_CIA.gif/220px-French_Guiana_CIA.gif)
Frans-Guyana kent twêe geografische gebiedn: de kustzone woar dat de mêerderheid van de bevolkienge weunt en 't binneland die bestoat uut bykan oendeurdriengboar tropisch reegnbus.
An de kust liggn ênigte klêene eilandgroepn lik Îles du Salut mè 't berucht Duvelseiland, de vroegere strafkolonie, en Îles du Connétable, e beschermd nateurgebied. Frans-Guyana hè vele grôte riviern woarvan de Maroni, de Mana en de Oyapock de belangrykste zyn.
De mêeste inweuners weunn an de kust van 't land, die e diverse bevolkiengssoamnstellienge kent. De Creooln (menschn van gemiengde Afrikoansche en Fransche ofkomst) zyn de grotste etnische groep. Oengeveer 14% van de bevolkienge is van Europeesche, surtout Fransche ofkomst. D' inheemsche volkern vormn 3 à 4% van de bevolkienge.
De president van den Assemblée de Guyane, 't parlement van Frans-Guyana, is Gabriel Serville. Frans-Guyana hèt twêe verteegnwoordigers in de Fransche Senoat en twêe verteegnwoordigers in 't Frans parlement. 't Makt integroal oenderdêel uut van d' Europeesche Unie.
![]() |
Ofbeeldiengn die ier by passn ku je vien in de categorie French Guiana van Wikimedia Commons. |
{{{ofb_links}}} | Landn in Zuud-Amerika | {{{ofb_rechts}}} | {{{ofb_groot}}} |
---|---|---|---|
Argentinië • Bolivië • Brazilië • Chili • Colombia • Ecuador • Guyana • Paraguay • Peru • Suriname • Uruguay • Venezuela |