Westoek
De Westoek is e streke ol weerskantn van de Schreve. Deur de Westoek lopt 'n Yzer, 't gebied te westn doavan noemn ze Bachtn de Kupe.
![](http://178.128.105.246/content-http-upload.wikimedia.org/wikipedia/commons/thumb/c/c1/Westhoek_map-nl.svg/400px-Westhoek_map-nl.svg.png)
Vlamschn Westoek
bewerknDen Vlamschn Westoek legt in 't uuterste westn van de Belgische provinsje West-Vloandern (buutnstoanders noemn dat ouk wel e ki de Far West). De streke omvat de arroundissementn: Veurn, Diksmude en Yper. De Vlamschen Westoek omvat de steedn en gemêentn:
- Diksmude
- Euvelland
- Kookloare
- Kortemark
- Langemark-Poelkapelle
- Lo-Rênienge
- Mêesn
- Oalveringem
- Oetulst
- Poperienge
- Stoan
- Veurne
- Vletern
- Wervik
- Yper
- Zunnebeke
De Belgische kustgemêentn De Panne, Koksyde en Nieuwpoort zyn toeristisch soms by een andere regio ingedêeld: de Westkust.
Band mi Vrankryk
bewerknDe Vlamschen Westoek werkt sedert 2008 nauwe t’ope mi Vrankryk. In april 2008 besliste Vlams minister Geert Bourgeois mi zyn Franschen collega om e Europeesche Groeperieng vo Territoriale Soamnwerkieng (EGTS) te moakn tusschen de Westoek en de Opoalkust. Dat zou moetn ten vôordele zyn van ‘t toerisme, mobiliteit, ulpverlenieng en communicoasje.
Franschn Westoek
bewerknDe Franschn Westoek legt in 't nôordn van Vrankryk en komt overêen me 't Fransche arroundissement Duunkerke. In Vloandern noemn we dien regio Frans-Vloandern.