西班牙
Reino de España 西班牙王国 | |||||
| |||||
自然地理 (实际管辖区) | |||||
![]() | |||||
首都 | 马德里 | ||||
面积
| |||||
人民生活 | |||||
官方语言 | 西班牙语 | ||||
人口
| |||||
政治文化 | |||||
国家领导人: | |||||
经济实力 | |||||
国家资料 | |||||
西班牙(西班牙语,España),是欧洲发达国家之一,位置来勒伊比利亚半岛。占据迭个半岛70%以上个土地。乃朝西班牙是欧盟、北约以及联合国个成员国。因为内部个多样性,传统个保护性搭对拉丁美洲个影响力出名。
![](http://178.128.105.246/content-http-upload.wikimedia.org/wikipedia/commons/thumb/6/6a/Madrid_Skyline_II.jpg/220px-Madrid_Skyline_II.jpg)
历史
编辑主条目:西班牙历史
西班牙老早个居民讲弗清爽,现在个巴斯克人是伊拉个后裔。后来印欧人进入半岛,成为伊比利亚人,西班牙个南部个辰光被腓尼基人个后裔迦太基人统治。开始慢慢接受地中海文明圈子个洗礼。到了公元前1世纪,强大个罗马帝国开始征服西班牙,将西班牙变成伊拉拉丁文化个重要地区。到了公元1世纪之后,西班牙弗仅仅是一块殖民地,更是罗马帝国最为文明个地区。罗马鼎盛辰光个皇帝,比方讲哈德良、图拉镇等,就侪是西班牙地区出生搭成长个。著名个哲学家塞内加,也是现在科尔多瓦地区个居民。
中世纪个西班牙充满文明冲突,西哥特王国畀来自中东个伊斯兰侵略者毁灭。西班牙文化几乎灭亡。722年,西哥特人王族佩拉约来勒科瓦东加战役中拿阿拉伯人打败。之后开始了有名个“再征服”。阿拉伯人统治下个西班牙,暗无天日,惨无人道。基督徒等同奴役,文化畀抹去,意识遭打压。还好北面个基督教王国,比方讲莱昂、阿拉贡、纳瓦拉等慢慢收复失地,最终来勒1492年拿阿拉伯殖民者彻底赶出了伊比利亚半岛。来勒迭个过程当中,卡斯蒂亚-莱昂王国最终搭阿拉贡王国联合,这个联合也是后来西班牙王国诞生个真正辰光。
赶走阿拉伯人个同一年,西班牙资助哥伦布开始远洋冒险。1513年,胡安 庞德隆登陆北美洲。传奇征服者迅速灭脱美洲土著王国,建立广大个西属美洲,让西班牙成为一个150年长个全球性帝国。
依靠联姻继承西班牙王位个查理五世又成为欧洲第一大国神圣罗马帝国皇帝。1525年,查理五世活捉法国国王,关到马德里个一座城堡里。1550年代,费力第二登基之后,进一步推行称霸欧洲搭讨伐异教徒个光荣政策。1571年,来勒勒班陀海战当中,西班牙海军击溃奥斯曼舰队,维护了欧洲和平。1588年远征英国虽然失败,但是对西班牙如日中天个国力丝毫没有影响。三十年战争前,西班牙来勒世界各地拥有三十万驻军,是毫无疑问个第一强国。
三十年战争是西班牙国力个转折点。之后西班牙开始缓慢衰落,直到1898年畀美国击败,彻底退出殖民强国个行列。二十世纪初,西班牙成为激进势力角逐个焦点。1930年代个内战结果是佛朗哥将军个胜利。箇个��避免西班牙成为苏联阵营个可能。二战期间,西班牙保持中立,战后经济开始起飞。七十年代终于完成了工业化,成为世界最发达国家当中个一员。1975年佛朗哥去世后,西班牙拿君主制恢复,胡安卡洛斯一世登基为王。2008年金融危机爆发之后,西班牙受到冲击,经济倒退,一直到2014年才开始恢复。同时,2014年,菲利佩六世接替伊个阿爸,成为西班牙国王,完成西班牙王位顺利交替。
地理
编辑西班牙个面积超过50万平方公里,是世界高头第52大国家。伊个面积比法国小4万多平方公里,比英国大了快两倍。来勒欧洲确实是一个大国哉。
西班牙是一个半岛国家。来勒西面搭葡萄牙接壤。北面搭法国有比利牛斯山隔开来。南面有直布罗陀海峡。
除脱大陆部分之外,西班牙也拥有地中海搭大西洋个两个群岛。
气候
编辑西班牙基本属于地中海气候,夏天干热,冬季干冷。极端气候比较少,全年阳光充足。适合种植橄榄、橙子等水果,弗大适合耕种小麦。西班牙南部来勒罗马人辰光是发达个农业区,弗过灌溉系统来勒阿拉伯人殖民辰光被破坏,从此变成橄榄种植区。西班牙个葡萄酒也老有名,卡斯蒂亚地区还有交关牧羊人。来勒沿海地区,捕鱼业邪气发达。
西班牙个气候条件分作下列四个弗同个幅度:
- 地中海气候:箇種气候是西班牙个代表气候,来勒半岛个东部与南部多属亚热带气候,春、秋侪是雨季,夏季个温度让人觉着适意。
高温纪录:梅西亚47.2℃,马拉加44.2℃,巴伦西亚42.5℃,阿利坎特41.4℃,马略卡40.6℃,巴塞罗那39.8℃。
低温纪录:加隆拿-13.0℃,巴塞罗那-10.0℃,巴伦西亚-7.2℃,穆尔西亚-6.0℃,阿利坎特-4.6℃,马拉加-3.8℃。
- 内陆个温带大陆性气候:主要分布来勒西班牙个北部地区,表现为寒冷个冬季(通常会降雪)搭炎热个夏季。
高温纪录:塞维利亚47.0℃,科尔多瓦46.6℃,巴达霍斯45.0℃,阿尔巴塞特与萨拉戈萨42.6℃,马德里42.2℃,布尔戈斯41.8℃,巴利亚多利德40.2℃。
低温纪录:阿尔巴塞特-24.0℃,布尔戈斯-22.0℃,萨拉曼卡-20.0℃,特鲁埃尔-19.0℃,马德里-14.8℃,塞维利亚-5.5℃。
- 北大西洋沿海气候个温带海洋性气候:箇種气候夏天气候暖热,降水主要集中勒冬天辰光。
高温纪录:毕尔巴鄂42.0℃,拉科鲁尼亚37.6℃,希洪36.4℃。
低温纪录:毕尔巴鄂-8.6℃,奥维多-6.0℃,希洪与拉科鲁尼亚 -4.8℃。
- 加纳利群岛:副热带夏干气候,全年气温通常来勒18℃与24℃之间。
高温纪录:特内里费42.6℃。
低温纪录:特内里费8.1℃。
政治
编辑西班牙是一个君主立宪制个国家,伊拉个君主是西班牙国王。弗过权利通过两院决定。国王是国家个元首搭武装力量总司令。众议院和参议院两院掌握立法权。1978年个西班牙宪法确保国家个民主制,这也是从1812年开始长期自由派搭保守派相互斗争后最终个结果。首相领导的政府行使行政权。首相由多数党提名,并由国王任命。根据这部宪法,西班牙现在被分成功17个自治区搭两个特别市。分别享有弗同权利个自治。弗仅这能,该宪法也确定政教分离个原则,结束天主教来勒西班牙一千多年个特殊地位,国家个公民有权利信仰任何一种宗教。
从19世纪西班牙波旁王朝第二趟复辟开始,西班牙就大体执行两党政治。到1975年恢复民主制之后,逐渐形成中右翼个西班牙人民党搭中左翼个西班牙社会党相互执政个局面。个当中,社会党立在1994年之前长期执掌权力。人民党立在1996-2004年当中执政。2004-2011年社会党重新执政。2011年,人民党第二趟上台。弗过,到2015年年底个大选当中,两个新党派冒出来,分别是带有自由主义色彩个西班牙公民党搭左翼民粹,并带有查韦斯主义背景个阿拉能党。让西班牙政局进入无多数党个状态。
经济
编辑近年表现
编辑西班牙是一个发达国家,是当今世界浪第十四大经济体,也是欧洲第四大、欧元区第三大个经济体。21世纪初执政个中右翼政府成功让该国加入欧元区。2006年10月,西班牙个失业率是7.6%,迭个数据,来勒欧盟里向是老优秀个,并且比该国1990年代初超过20%个失业率要好弗晓得多少哉。弗过,西班牙经济当中存在个高通货膨胀率、规模惊人个地下经济、还有弗大发达个教育系统侪搭别个发达国家有比较明显个差距。从1990年代中期开始,西班牙经济搭世界其他地区一道,经历过一轮强劲个增长。迭个趋势,让西班牙政府成功降低自身个赤字,更降低失业率,来勒自家个经济发展得到平衡之后,西班牙来勒1999年成功加入欧元区。
从1990年代开始,西班牙个公司开始来勒国际浪获得更加显著个地位。伊拉个投资集中到文化浪搭自家相近个拉丁美洲地区,到2000年,西班牙是此地除脱美国之外个顶大投资方。西班牙个企业也进入到亚洲市场,尤其是中国搭印度个市场。[1]。这种来勒全球化开始阶段个扩张,让西班牙获得比别个欧洲国家更大个竞争优势。这种快速个扩张,是基于亚洲搭非洲国家对西班牙文化快速增长个兴趣达到个。
西班牙企业来勒新能源投资浪拥有领先个地位(西班牙拥有世界顶大个再生能源生产公司[2]。一些企业,比方讲:Telefónica, Abengoa, Mondragon Corporation, Movistar, Hisdesat, Indra,火车制造商CAF、Talgo;侪拥有老大个声誉。[3]。
语言
编辑西班牙个官方语言是西班牙语,是从老早仔卡斯蒂亚语个基础高头发展出来个。西班牙语依靠航海殖民,成为南美搭中北美个强势语言,现在是世界高头使用面积第三大,使用人口第三多个语言。
除脱西班牙语之外,西班牙弗同地区侪有自家个语言。由于历史高头统一比较早,西班牙保持欧洲顶多元个语言形态,有加泰罗尼亚语、巴斯克语等与卡斯蒂亚语差别交关大哥独立语言,也有安达卢西亚方言等卡斯蒂亚内部个方言。搭法国、意大利对待少数语言弗同个是,西班牙个少数语言侪得到相当好个传承。弗过这也带来地方分离主义个问题。同时,一些本身被认为是方言个语言也来勒寻求成为官方语言个机会,比方讲:加利西亚语搭阿斯图里亚斯语。
宗教
编辑天主教
编辑西班牙是一个传统个天主教国家,虽然现在国家施行政教分离,弗过宗教一直发挥重要个影响力。加利西亚个圣地亚哥是欧洲朝圣个中心。全国现在四分之三个人口是天主教徒,弗过教堂礼拜个频率弗是老高。依靠南美洲个移民,西班牙个教会搭信徒比例来勒欧洲侪算比较高个。但另外一方面,西班牙个天主教来勒一些自治区,比方讲:加泰罗尼亚已经开始衰落。年轻人并弗遵守任何个天主教道德规范。未婚同居个现象也越来越严重。根据2012年个统计,天主教立在西班牙所有地区还是主要宗教。弗过立在加泰罗尼亚个信徒比例已经跌落到60%,立在马德里大区个信徒比例也跌落到62%。立在一些人口比较少个地区,比方讲莱昂-卡斯蒂亚大区搭卡斯蒂亚-拉曼查大区,信徒比例还是接近90%个。
回教
编辑历史高头侵略西班牙个回教,现在又靠北非移民重新进入西班牙哉。来勒加泰罗尼亚等一些地区,回教扩张速度老快。现在西班牙已经有800,000穆斯林。大部分集中勒巴塞罗那等自治区内。伊拉要求拿巴塞罗那个斗牛场(乃朝因为加泰罗尼亚禁止斗牛,已经闲置)改造成巨大清真寺。并支持加泰罗尼亚脱离西班牙。
犹太教
编辑立在回教占领伊比利亚半岛个辰光,此地成为犹太人立在欧洲个中心,有交关犹太教信徒立在托莱多搭塞维利亚等城市生活,形成交关社区。弗过,因为犹太人搭穆斯林采取狼狈为奸,打压西班牙基督徒个作法,让伊拉立在再征服运动后,成为畀老百姓讨厌个对象,立在16世纪畀西班牙国王驱逐。迭个一批犹太人之后到北非搭中东,成为乃朝赛法维犹太人分支个祖先。
佛教
编辑西班牙个佛教,大多数侪是来自东亚,邪气是华人信奉个。乃朝西班牙个佛教徒,有十几万,也有一些是土生白人皈依个。
-
Misa Acción de Gracias
-
Expulsión de los judíos
-
Calvario-oratorio2
-
Comienzo de La Borriquita
体育
编辑西班牙是欧洲个体育强国,拥有世界顶尖个足球势力,西班牙国家队来勒2008-2012年连续夺得两座欧洲杯搭一座世界杯,俱乐部里向,巴塞罗那足球俱乐部搭皇家马德里足球俱乐部是欧洲超一流豪门。个两年,马德里竞技足球俱乐部也强势崛起,构成西甲统治力个三巨头,来勒对欧洲其他豪门个比赛当中,也多次获胜。2014年,来自西甲个俱乐部包揽脱欧洲冠军联赛搭欧罗巴联赛个冠军。欧冠个亚军也被来自西甲个马德里竞技足球俱乐部获得。
2014年世界杯,西班牙队小组赛就被淘汰,让一个王朝从此解体。弗过,西班牙球队立在欧洲俱乐部比赛当中表现还是邪气好。2015年,欧洲冠军杯冠军替欧罗巴联赛冠军侪畀西班牙球队获得。2015-2016赛季个欧洲冠军联赛,有5只西甲球队参加,这也创造一个记录。
-
西甲劲旅马德里体育会
-
传奇射手比利亚
-
西班牙国家队赢得2012年欧洲杯
-
西班牙国家队赢得2010年世界杯
参考信息
编辑外部链接
编辑- "西班牙国际货运海运公司". http://www.gscj.com.cn/article/html/649.html.
- 西班牙官方旅游网站(简体中文)
- 認識西班牙 档案,存勒互联网档案馆当中。(2010年1月12号)(繁体中文)
- 認識西班牙 ~ 跟著官方導遊走!:日朝更新的西班牙旅遊中文資料,例如罷工、氣候、慶典、活動...等
- Gobierno de España-La Moncloa - 政府官方网站(西班牙语)
- Congreso de los Diputados - 国会官方网站(西班牙语)
- Senado de España - 参议院官方网站(西班牙语)
- Casa de Su Majestad el Rey - 王室官方网站(西班牙语)
- 气象预报(西班牙语)