PEN Afrikaans
![](http://178.128.105.246/content-http-upload.wikimedia.org/wikipedia/commons/thumb/b/b3/Catherine_Amy_Dawson_Scott.jpg/220px-Catherine_Amy_Dawson_Scott.jpg)
PEN Afrikaans is 'n vereniging wat die belange van Afrikaanse skrywers dien en die Afrikaanse taal, Afrikaanse skryfwerk en geletterdheid bevorder. PEN Afrikaans is 'n lid van PEN Internasionaal.[1]
PEN is 'n wêreldwye vereniging van skrywers, wat in 1921 in Londen gestig is om vriendskap en intellektuele samewerking tussen skrywers te bevorder.[2] Die vereniging het outonome Internasionale PEN-sentrums in meer as 100 lande.
Ander doelwitte het ingesluit: om die rol van letterkunde in die ontwikkeling van wedersydse begrip en wêreldkultuur te beklemtoon; om te veg vir vryheid van uitdrukking; en om as 'n kragtige stem op te tree namens skrywers wat geteister, gevange gehou en soms vermoor word vir hul sienings.
Geskiedenis van PEN Internasionaal
[wysig | wysig bron]Die eerste PEN-klub is op 5 Oktober 1921 by die Florence Restaurant in Londen gestig [3] deur Catherine Amy Dawson Scott, met John Galsworthy as sy eerste president. Die eerste lede het Joseph Conrad, Elizabeth Craig, George Bernard Shaw en HG Wells ingesluit.
PEN Internasionaal het oorspronklik vir "Poets, Essayists, Novelists" gestaan, maar staan nou vir "Poets, Playwrights, Editors, Essayists, Novelists" en sluit skrywers van enige vorm van literatuur in, soos joernaliste en historici.[4]
Missie
[wysig | wysig bron]PEN Afrikaans stel sy missie as volg:
- Om ’n sentrum te vestig en in stand te hou vir Afrikaanse skrywers wêreldwyd.
- Om vir Afrikaans en sy woordkunstenaars ’n vaste en gerespekteerde plek in die internasionale skrywersgemeenskap – soos verteenwoordig deur PEN International – te verwerf.
- Om die belange van Afrikaans en spesifiek Afrikaanse publikasies te dien.
- Om Afrikaanssprekendes orals in die wêreld, veral ook in Namibië, aan te moedig om deel te hê aan ons strewe.
- Om ons op waardige wyse te beywer vir ’n vaste plek vir Afrikaans in Suid-Afrika.
- Om die belange van woordkunstenaars te dien ten opsigte van wetgewing, kopiereg, en outeursregte; spesifiek om stelling in te neem teen alle vorme van sensuur.
- Om geletterheid, belangstelling in die Afrikaanse boek en kreatiewe gebruik van Afrikaans op alle vlakke van die gemeenskap te bevorder.
- Om mee te werk aan verwante inisiatiewe, insluitend noue samewerking en gedeelde projekte met South African PEN.
Verwysings
[wysig | wysig bron]- ↑ "Our History". PEN International. 10 November 1995. Geargiveer vanaf die oorspronklike op 16 Oktober 2015. Besoek op 10 Julie 2013.
- ↑ Robert Halsband (10 Januarie 1968). "LeRoi Jones Sentence – Free Preview". The New York Times. Besoek op 15 November 2011.
- ↑ "The First International Club of Writers", by C. A. Dawson Scott, in The Literary Digest International Book Review (November, 1923) p. 47
- ↑ "Our History PEN International". pen-international.org. Geargiveer vanaf die oorspronklike op 16 Oktober 2015. Besoek op 9 Februarie 2016.