Werklikheid
![](http://178.128.105.246/content-http-upload.wikimedia.org/wikipedia/commons/thumb/9/97/The_Earth_seen_from_Apollo_17.jpg/220px-The_Earth_seen_from_Apollo_17.jpg)
Die werklikheid is die som of totaal van alles wat werklik bestaan, in teenstelling met dit wat slegs denkbeeldig is. In die alledaagse lewe en in baie wetenskaplike dissiplines word die werklikheid as vanselfsprekend aanvaar, terwyl die werklikheidsbegrip in die filosofie en wetenskapsfilosofie geproblematiseer word.
Die bestaan van die werklikheid
[wysig | wysig bron]'n Tekstuele kontroversie rond die begrip werklikheid is dat die moderne volwasse mens die omliggende wêreld aandui met die abstrakte begrip werklikheid. Dié begrip is 'n lastige konsep, wat byvoorbeeld nie maklik aan jong kinders geleer kan word nie. Die begrip kom ook nie (gereeld) voor in die woordeskat van natuurvolkere nie. Uiteraard het jong kinders en natuurvolkere allerlei persepsies van die wêreld om hulle, maar hulle abstraheer dit nie tot 'n 'goddelose', 'eindelose' en 'abstrakte' aanduiding van die bestaan nie.
Die bestaan van die werklikheid is nou verbonde met die menslike belewing daarvan. In die skeptiese filosofie word die bestaan van die werklikheid selfs eens ontken. Dan kan mens tot die slotsom kom dat die begrip werklikheid 'n gedagtekonstruksie is om die wêreld aan te dui. Die bestaan van die werklikheid is 'n gedagte, oftewel 'n idee.
In gedagtes maak ons onderskeid tussen werklikheid en fantasie (of verbeelding). So ondersoek mens nog 'n wêreld verby die werklikheid, in die belewingswêreld van die mens, in fiksie, kuns ensovoorts.
Albert Einstein het geskryf: "Die geloof in 'n eksterne wêreld onafhanklik van die waarnemende subjek is die basis van alle natuurwetenskappe. Omdat sintuiglike waarnemings slegs indirekte inligting oor hierdie eksterne wêreld verskaf, kan ons die laaste alleen begryp met spekulatiewe middele. Gevolglik kan ons opvatting van die fisieke realiteit nooit finaal wees nie.[1]
Hierdie artikel is deels vanaf die Nederlandse weergawe vertaal
Sien ook
[wysig | wysig bron]Verwysings
[wysig | wysig bron]- ↑ A. Einstein, "Maxwell's Influence on the Evolution of the Idea of Physical Reality". in J.C. Maxwell: A Commemoration Volume (Cambridge, 1931), introduction.
Eksterne skakels
[wysig | wysig bron]- WORLDVIEWS: Research Community Integrating World Views, 'n aantal navorsingsverslae (deels in Engels).