Dryfas
![](http://178.128.105.246/content-http-upload.wikimedia.org/wikipedia/commons/thumb/2/23/Cardan_Shaft.jpg/200px-Cardan_Shaft.jpg)
![](http://178.128.105.246/content-http-upload.wikimedia.org/wikipedia/commons/thumb/e/ea/R51-plunger.jpg/200px-R51-plunger.jpg)
'n Dryfas is 'n meganiese komponent wat vir die oordrag van wringkrag en rotasie gebruik word. Dit word geheg aan komponente van 'n dryfstelsel wat nie direk gekoppel kan word nie, beide omrede die afstand tussen hulle of die metode van koppeling, en daardeur word voorsiening gemaak vir die relatiewe beweging tussen hulle.
As wringkragdraers, is dryfaste onderhewig aan wringkragte en skuifspanning, gelykstaande aan die verskil tussen die insetwringkrag en die las. Hulle moet dus sterk genoeg wees om die spanning te dra, maar ook nie te swaar nie, omdat dit weer die traagheid verhoog.
Om voorsiening te maak vir variasies in die belyning en afstand tussen die aandrywing en aangedryfde komponente, gebruik dryfaste dikwels een of meer kruiskoppelings, kakebeenkoppelings of prismatiese gewrigte.