Ekostreek
Die Wêreldnatuurlewefonds definieer 'n ekostreek as 'n groot stuk land of water wat 'n versameling spesies, natuurlike gemeenskappe en ekologiese omstandighede bevat wat geografies verskil.[1]
Daar is ook ander navorsers wat probeer het om die natuur van die wêreld in streke in te deel. Daar is byvoorbeeld die fitogeografiese indeling in floraryke. Die WWF se indeling is egter van die mees grondige. Dit is op wetenskaplike basis opgebou en probeer 'n sintese van plante- en diereverspreidings te wees.[2]
Die WWF onderskei tussen:
- ekostreke op land
- ekostreke van soetwater
- ekostreke van see en oseaan
Landekostreke
[wysig | wysig bron]Die WWF onderskei 867 landekostreke. Die grense is nie altyd duidelik nie, maar hulle word bepaal deur te kyk na:
- rykdom aan spesies
- endemie van spesies
- uniekheid van die spesies, byvoorbeeld die aanwesigheid van primitiewe spesies of spesies wat oorblyfsels uit die verlede is.
- besonderhede op ekologiese en evolusionêre gebied, soos besondere aanpassings
- die seldsaamheid van die tipe vegetasie
'n Ekostreek behoort tot een van die 14 WWF-biome en een van die 8 ekosones.
WWF-ekosones
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/a/ac/Ecozones-wwf.svg/400px-Ecozones-wwf.svg.png)
Die ekosones en hul kodes is:
- PA : die Palearktiese gebied
- NA : die Nearktiese gebied
- AT : die Afrotropiese gebied
- NT : die Neotropiese gebied
- IM : die Indo-Maleise gebied
- AA : die Australasiatiese gebied
- OC : die Oseaniese gebied
- AN : die Antarktiese gebied
WWF-biome
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/f/fc/Afrotropical_biomes.svg/400px-Afrotropical_biomes.svg.png)
██ 01. | ██ 02. | ██ 07. | ██ 08. | ██ 09. |
██ 10. | ██ 12. | ██ 13. | ██ 14. |
Die WWF-biome en hul kodes is:[3]
- 01: Tropiese of subtropiese reënwoud
- 02: Tropiese of subtropiese droë bosse
- 03: Tropiese of subtropiese naaldwoude
- 04: Gematigde loofwoud en gemengde bos
- 05: Gematigde naaldwoud
- 06: Taiga
- 07: Tropiese of subtropiese grasveld, savanne en struikveld
- 08: Gematigde grasveld, savanne en struikveld
- 09: Oorstroomde grasveld en savanne
- 10: Berggrasveld en -struikveld
- 11: Toendra
- 12: Mediterreense woud, bos- en struikveld
- 13: Woestyn en droë struikveld
- 14: Wortelboommoeras
Die kode vir 'n ekostreek
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/0/0f/AT1203_map.png/220px-AT1203_map.png)
Elke ekostreek kry 'n kode soos AT1203 wat wys dat hierdie ekostreek aan die ekosone Afrotropiese gebied (AT) en die bioom Mediterreense woud, bos- en struikveld (12) behoort. Dit is die derde ekostreek van hierdie ekosone/bioom-kombinasie. Hierdie ekostreek word beskryf as die bergfynbos en -renosterveld van die Wes-Kaap.[4]
Sien ook
[wysig | wysig bron]Verwysings
[wysig | wysig bron]- ↑ WWF Ecoregions.
- ↑ The World's Zoogeographical Regions Confirmed by Cross-Taxon Analyses Şerban Procheş en Syd Ramdhani.
- ↑ "WWF biome" (in Engels). Geargiveer vanaf die oorspronklike op 14 Junie 2020.
- ↑ Montane Fynbos and Renosterveld.
Eksterne skakels
[wysig | wysig bron]Wikimedia Commons het meer media in die kategorie Ekostreek.