Kaap die Goeie Hoop
![](http://178.128.105.246/content-http-upload.wikimedia.org/wikipedia/commons/thumb/f/fe/Sign_at_the_Cape_of_Good_Hope_2013.jpg/220px-Sign_at_the_Cape_of_Good_Hope_2013.jpg)
![](http://178.128.105.246/content-http-upload.wikimedia.org/wikipedia/commons/thumb/2/2b/Cape_of_Good_Hope.jpg/220px-Cape_of_Good_Hope.jpg)
![](http://178.128.105.246/content-http-upload.wikimedia.org/wikipedia/commons/thumb/b/bb/Situationsplan_von_Kapstadt.jpg/220px-Situationsplan_von_Kapstadt.jpg)
- Hierdie artikel handel oor die landhoof. Vir die provinsie, sien Kaapprovinsie.
Die Kaap die Goeie Hoop is die naam van 'n landpunt aan die suide van Afrika, naby Kaapstad, Suid-Afrika.[1]
Dit is tradisioneel (en verkeerdelik) geag as die oorgangspunt tussen die Atlantiese Oseaan en die Indiese Oseaan — tegnies lê die skeiding tussen die twee oseane verder ooswaarts by Kaap Agulhas, wat ook die mees suidelike punt van Afrika is. Die natuurreservaat by Kaappunt bied ook pragtige natuurskoon.
Die koue Benguelastroom ontmoet die warm Agulhasstroom, wat suidwaarts vanaf Indië loop, naby die Kaap die Goeie Hoop en loop noordwaarts teen die Weskus op.
Geskiedenis
[wysig | wysig bron]Die Kaap die Goeie Hoop was eerste deur die Portugese seevaarder Bartolomeus Dias in 1488 omgevaar, wat dit die "Kaap van Storms" (Cabo das Tormentas) genoem het. Later het Johannes II van Portugal dit hernoem as die "Kaap die Goeie Hoop" (Cabo da Boa Esperança), omdat dit die roete na die Ooste moontlik gemaak het.
Die Nederlandse handelaar Jan van Riebeeck het 'n voorraadkamp vir die Verenigde Oos-Indiese Kompanjie (VOC) naby die Kaap op 6 April 1652 opgestel, wat uiteindelik tot Kaapstad ontwikkel het.
Op 31 Desember 1687 is 'n groep Hugenote vanaf Nederland na die Kaap gestuur; hulle het na Nederland gevlug uit Frankryk om die godsdienstige vervolging daar vry te spring. Die VOC het ambagsmanne benodig in die Kaap, en die Nederlandse Regering het geleenthede in die Kaap gesien wat hulle kon vul.
Die Verenigde Koninkryk het op 19 Januarie 1806 die Kaap beset. Dit is afgestaan aan die VK deur die Anglo-Nederlandse Ooreenkoms van 1814, en was van toe af as die Kaapkolonie bekend.
Verwysings
[wysig | wysig bron]- ↑ Jeannie Evers, red. (19 Oktober 2023). "Cape". National Geographic.
Sien ook
[wysig | wysig bron]- Geskiedenis van die Kaapkolonie
- Lys van kommandeurs en goewerneurs van die Kaapkolonie
- Politieke Raad
- Kasteel van Goeie Hoop
- Wes-Kaap
Eksterne skakels
[wysig | wysig bron]Wikimedia Commons het meer media in die kategorie Kaap die Goeie Hoop.
- Amptelike webwerf