Melbourne Rebels (Superrugbyspan)
Melbourne Rebels | ||||
![]() | ||||
Stigting | 2010 | |||
Stadion | AAMI-park | |||
Kapasiteit | 31 500[1] | |||
Afrigter(s) | Tony McGahan | |||
Kaptein(s) | Scott Fuglistaller | |||
Liga(s) | Superrugby | |||
2018 | 9de | |||
|
||||
Statistiek
| ||||
---|---|---|---|---|
Meeste wedstryde | 47 Ged Robinson 47 Nick Phipps | |||
Meeste punte | 175 James O’Connor | |||
Eerste wedstryd | ||||
Melbourne Rebels 0 – 43 Waratahs (18 Februarie 2011) | ||||
Grootste oorwinning | ||||
Melbourne Rebels 42 – 25 Hurricanes (25 Maart 2011) | ||||
Grootste nederlaag | ||||
Crusaders 85 – 26 Melbourne Rebels (9 Julie 2016) | ||||
Amptelike webwerf | ||||
www.melbournerebels.com.au |
Die Melbourne Rebels (ook bekend as die RaboDirect Melbourne Rebels weens borgskapredes) is ’n Australiese rugbyspan wat sedert 2011 aan die Superrugbykompetisie deelneem. Hulle is die eerste professionele rugbyspan in Australië wat in privaat besit is. Die klub deel sy naam met ’n voormalige Australiese Rugbykampioenskapspan, maar daar word wel onderskeid getref tussen die twee spanne.
Geskiedenis
[wysig | wysig bron]Rugby in Victoria het reeds so vroeg as die 1840’s begin met rugbywedstryde wat tussen mynwerkers gespeel is.[2] Die eerste wedstryd onder die gekodifiseerde reëls het plaasgevind in Junie 1878 tussen Sydney se Waratah rugbyklub en die Carlton Voetbalklub van Melbourne op die MCG. Die span van Sydney het gewen.[3]
Die eerste provinsiale rugbyspan in Victoria is in 1888 gestig. Die nuutgestigte Melbourne Rugbyklub het proewe gehou om ’n span saam te stel om teen die Britte te speel. 6,000 toeskouers het die wedstryd teen die Britte aanskou.[4] In 1894 het die Victoriaanse Rugbyunie (VRU) met Nieu-Suid-Wallis gesprekke gevoer om interkoloniale wedstryde te begin speel. Victoria het die eerste wedstryd met 3 – 0 gewen.[5] Die VRU het in die laat 1890’s nietig geraak maar is in 1908 herstig om in ’n oefenwedstryd van die Wallabies wat oppad was na Engeland, te speel.[5] Die verteenwoordigende Victoriaanse span het blou en goue klere gedra en het met 26 – 6 verloor voor ’n skare van 1,500 op die MCG.
In 2006 het die Australiese Rugbyunie die begin van ’n nasionale plaaslike kompetisie aangekondig.[6] Die Melbourne Rebels is gestig vir die eerste seisoen van die Australiese Rugbykampioenskap (ARC) deurdat Nieu-Suid-Wallis vier spanne aan Victoria afgestaan het.[7] Die span is afgerig deur Bill Millard en David Croft was die kaptein. Die Rebels het vierde uit agt spanne geëindig en het in die eindronde verloor. Hierdie skuif is gesien as ’n stap in die rigting van ’n Superrugbykonsessie.
Die Rebels verteenwoordig tans 25 klubs in senior rugby. Daar is twee keer by SANZAR aansoek gedoen vir die Rebels om toegelaat te word tot Superrugby en hulle het daarin geslaag om toegelaat te word vir die 2011-seisoen. Daar is nog geen amptelike kleure of logo’s bekend gestel nie maar die amptelike webblad gebruik dieselfde kleure en logo as dié van die ARC-span.
Vorige botte
[wysig | wysig bron]Die era van professionalisering in rugby het gelei tot ’n herstrukturering van die Super 10-kompetisie na die Rugbywêreldbeker 1995. SANZAR is gestig om ’n provinsiale kompetisie met twaalf spanne (3 van Australië, 4 van Suid-Afrika en 5 van Nieu-Seeland) te bestuur. Gedurende die vroeë 2000’s het Suid-Afrika en Australië aansoek gedoen om elk nog een span by die kompetisie toe te voeg. Argientinië het ook belangstelling getoon in insluiting in die Superrugbykompetisie. Daar is ook met die Suidsee-Eilandse gekommunikeer oor die insluiting van ’n gefedereerde span van die Suidsee-Nasies wat gebaseer is op die model van die Wes-Indiese Eilande krieketspan, of as indiwiduele nasies.
Botte vir die 13de en 14de konsessies het in 2002 geopen. Melbourne het op daardie tydstip reeds verskeie toetse van die Wallabies aangebied wat deur die VRU gebruik is om te wys dat daar ’n behoefte na rugby in Melbourne is. Daar is ook tydens die Rugbywêreldbeker 2003 etlike wedstryde op die Docklands-stadion in Melbourne gespeel[8] en 50,000 mense het die laaste dag van die Melbourne Gemenebesspele 2006 se sewesrugby bygewoon.[9]
Groot toetswedstryde en toeskouergetalle 1997–2003
Jaar | Opponent | Wedstrydplek (Kapasiteit) | Bywoning | Notas |
---|---|---|---|---|
1997 | Nieu-Seeland | MCG (100,000) | 90,119 | Bledisloe-beker/Drienasies |
1998 | Nieu-Seeland | MCG, (100,000) | 75,147 | Bledisloe-beker/Drienasies |
2000 | Suid-Afrika | Docklands (56,347) | 34,045 | Mandela Uitdaagplaat |
2001 | Britse & Ierse Leeus | Docklands (56,347) | 56,605 | |
2002 | Frankryk | Docklands (56,347) | 37,482 | |
2003 | Engeland | Docklands, (56,347) | 54,868 | |
2003 | Ierland | Docklands (56,347) | 54,206 | Wêreldbeker 2003 |
Bron: Australiese Rugbyunie [1] Geargiveer 26 Julie 2011 op Wayback Machine
Rugbywêreldbeker 2003 wedstryde en toeskouergetalle in Melbourne
Sien ook: Rugbywêreldbeker 2003
Spanne | Bywoning |
---|---|
Nieu-Seeland & Italië | 41,715 |
Kanada & Nieu-Seeland | 38,889 |
Engeland & Samoa | 50,647 |
Nieu-Seeland & Suid-Afrika | 40,734 |
Frankryk & Ierland | 33,134 |
Rod Steiner, destydse president van die VRU, het gemeen Victoria het ’n kans om die bod vir ’n plek in die Super 14 te wen.
“ | Ons weet watter ondersteuning besighede in Melbourne kan bied en die aanduidings is dat ons optimisties is daaroor … maar vir nou fokus ons op die feit dat daar ’n moontlikheid is dat ons ’n kans staan en ons moet seker maak dat ons ons beste lewer om te verseker dat Victoria die aangewese staat sal wees. | ” |
—Rob Steiner, [10] |
Die destydse Bracks-regering het besteding aan infrastruktuur belowe met ’n 25,000 herontwikkeling van Olympic Park of Aus$ 100 miljoen vir ’n nuwe stadion.[11] Die bod het agter aan die Western Force van Perth gegaan vir die 2006 Super 14-seisoen.
Die suksesvolle bod
[wysig | wysig bron]Met SANZAR wat ’n herstrukturering aangekondig het, is ’n nuwe konsessie geskep. Tien botte is ontvang; sewe van Australië, 2 van Nieu-Seeland (Hawke’s Bay en Taranaki)[12] en die Southern Kings van Suid-Afrika.[13] Die Australiese botte het drie van Victoria ingesluit, een van Wes-Sydney, een van die Goudkus, die Nieu-Suid-Wallis Landelike Rugbyunie (NSWCRU)[14] en ’n tweede span van Queensland.
Drie botte het vanuit Victoria gekom vir die nuwe Superrugbykonsessie – die Vic Super 15 met Mark Ella aan die stuur, gesteun deur Kevin Maloney en drie voormalige VRU-direkteure, ’n Belgravie Groep-bod met Geoff Lord (namens die Melbourne Victory Voetbalklub) aan die stuur[15] en die Melbourne Rebels-bod van die VRU met steun van die media magnaat Harold Mitchell en KPMG.[16]
Op 12 Augustus 2009 het die Australiese Rugbyunie (ARU) vir Victoria as die enigste kandidaat van Australië gesteun om mee te ding om die nuwe konsessie vir die uitgebreide Super 15-kompetisie in 2011. Hulle het probeer om ’n ooreenkoms tussen die drie Victoriaanse bieërs te bereik in ’n poging om ’n een entiteit te vestig wat hulle gehoop het "oorweldigend suksesvol" sou wees. Die Melbourne Rebels het egter gevra dat die ARU slegs een van die drie botte by SANZAR indien.[17]
Die pogings om hierdie botte te amalgameer is van politiek deurtrek.[18] John Wylie, ’n beleggingsbankier, het ’n ooreenkoms met die Melbourne Rebels en die Vic Super 15[19] wat by die Weary Dunlop Middagete bekend gemaak is.[20]
SANZAR kon nie tot ’n eenparige beslissing kom nie en die saak moes voor ’n arbiter verskyn. Die arbiters het gevoel dat die bod van die Southern Kings meer gevorderd was met betrekking tot sake en finansiële beplanning, organisasiestruktuur en beheer. Hulle het ook gevoel dat die Kings ’n beter spelerbasis en rugbytradisie gehad het. Omset sou egter, van verkope in uitsaairegte aan Australiese uitsaaiers sou met VS$ 15 – 20 miljoen verminder oor ’n tydperk van vyf jaar indien die vyftiende konsessie aan Suid-Afrika toegeken sou word.
Op 12 November 2009, na ’n arbitrasieproses tussen die Kings en Victoria is die 15de konsessie aan Victoria toegeken omdat beslis is dat dit finansieel meer sin sou maak vir SANZAR.[21] Die bod is aan die Vic Super 15-konsortium toegeken[22] maar daar kon nie ooreengekom word oor die model van eienaarskap nie. Die bod is toe teruggetrek en die konsessie is aan die Melbourne Rebels toegeken.
Stigting
[wysig | wysig bron]5 Januarie 2010 was die datum vir die amptelike aankondiging van die oorhandiging van die konsessie aan die konsortium van Harold Mitchell.[23] Op die volgende dag het die ARU beperkinge op kontraktering van huidige Wallabies en ander Australiese Superrugbyspelers aangekondig.[24]
Daar was wye spekulasie oor wie die uitvoerende beampte van die Rebels sou wees en ’n NRL-administrateur is genader vir die posisie.[25] Op 11 Januarie is amptelik bekend gemaak dat dit Brian Waldron, uitvoerende beampte van die Melbourne Storm NRL sou wees.[26] Op 12 Januarie is die hoofafrigter en direkteur van afrigting bekend gemaak as Rod Macqueen wat die Wallabies in 1999 tot Wêreldbekerglorie gelei het. Sy assistent is aangewys as Damien Hill van Sydney Universiteit.[27][28] Op 28 Januarie is bekend gemaak dat die voormalige uitvoerende beampte van die Western Force, Greg Harris, die rol van Algemene Bestuurder van Voetbal Aangeleenthede sou inneem.[29]
Model van eienaarskap
[wysig | wysig bron]Die Melbourne Rebels is die eerste professionele rugbyspan in Australië wat in privaatbesit is. Die klub word deur ’n raad beheer met Harold Mitchell, wat die meeste aandele besit, as voorsitter.[30] Onder die ander direkteure is die direkteur van Woolworths, Leon L’Hullier en Lindsey Cattermole.[31]
Naam
[wysig | wysig bron]Die naam van die Rebels is gekies na aanleiding van die Melbourne ARC-span in ooreenstemming met die plaaslike rugbygemeenskap.[32] Amtenare van die VRU het op die naam "Rebels" besluit in verwysing na Victoria se eerste Wallaby, Sir Edward "Weary" Dunlop. Met die bekendstelling het Chris Handy gesê dat, "Victoriaanse rugby, net soos die groot Weary Dunlop, ’n geskiedenis het van waagmoed om anders te wees, ’n tikkie baldadigheid en is alewig uitdagend. Hierdie is eienskappe wat ’n mens in ’n Rebel verwag en karakteriseer die wyse waarop Victoria sukses behaal in hierdie historiese jaar.[33] Hierdie naam is behou vir die Superrugbyspan.
Konsessiegebied
[wysig | wysig bron]![](http://178.128.105.246/content-http-upload.wikimedia.org/wikipedia/commons/thumb/2/2c/Victoria_locator-MJC.png/140px-Victoria_locator-MJC.png)
Die Rebels verteenwoordig Victoria, Australië in die Superrugby provinsiale toernooi. Daar is onenigheid oor die volhoubaarheid van rugby in hierdie geweste omdat dit beskou word as die tuiste van Australiese Voetbal. Die konsessiegebied sluit 25 Victoriaanse senior klubs van die VRU in. Die senior klubspelers beskou die Rebels as die hoogste sport in verteenwoordigende rugby in Victoria.[34] Die proewe vir 2010 het baie meer deelnemers as gewoonlik gehad en dit kan toegeskryf word aan die toevoeging van die Rebels tot die Superrugbykompetisie.[35]
Voorstedelike klubs | Landelike afdeling |
---|---|
Booroondara, Box-heuwel, Harlequins, Melbourne, Melbourne Universiteit, Moorabbin, Powerhouse, Southern Districts, Cerberus, Footscray, Northern, Eltham, Endeavour-heuwels, Maroondah, Monash Universiteit,Wyndham Stad. | Ballarat, Border Army, Cobram, Warnambool, Geelong, Melton, Deniliquin (NSW) |
Hierdie klubs voer die Victoriaanse staat se verteenwoordigende span, die Melbourne Axemen (Houtkappers), aan.
Stadion
[wysig | wysig bron]Die Rebels sal hul tuiswedstryde op die AAMI-stadion speel. Die stadion is geskeduleer om in Mei 2010 voltooi te wees.[36] Die stadion is gebore uit vorige onsuksesvolle botte vir ’n Superrugbyspan in Melbourne.[37] Die Rebels sal saam met Melbourne Storm (rugby league), Melbourne Victory (sokker) en Melbourne Heart (sokker) die huurders van die stadion wees.
Seisoenuitslae
[wysig | wysig bron]Superrugby
[wysig | wysig bron]Die volgende tabel som die Rebels se Superrugby-uitslae vir die uitgebreide toernooi van sestien spanne op:
Seisoen Pos Gespeel Gewen Gelyk Verloor Punte vir Punte teen +/− BP1 Pte Notas 2011 15de 16 3 0 13 281 570 − 289 4 24 2012 13de 16 4 0 12 362 520 −158 8 32 2013 12de 16 5 0 11 382 515 −133 9 37 2014 15de 16 4 0 12 303 460 −157 5 21 2015 10de 16 7 0 9 319 354 −35 8 36
1 Punte toegeken vir ’n loslootjie is nie hierby ingereken nie.
Die volgende tabel som die Rebels se Superrugby-uitslae vir die uitgebreide toernooi van agtien spanne op:
Seisoen Pos. alg. Pos. groep Gespeel Gewen Gelyk Verloor Punte vir Punte teen +/− BP1 Pte Notas 2016 12de 8ste 15 7 0 8 365 486 –121 3 31 2017 18de 10de 15 1 1 13 236 569 –333 3 9
Logo en kleure
[wysig | wysig bron]Die kleure van die Rebels is oorwegend vlootblou met donkerrooi en wit afwerkings. Met die bekendstelling van die nuwe logo en trui op 29 Julie 2010 is bekendgemaak dat die vyf sterre in die nuwe logo die leuse van die Rebels verteenwoordig:
- Respek (Respect) – jouself en die opposisie
- Uitnemendheid (Excellence) – hoogste standaard in alles wat ons doen
- Balans (Balance) – sport en lewe, deursettingsvermoë en nederigheid
- Etos (Ethos) – span eerste, ‘ons, nie ek nie’
- Leierskap (Leadership) – daag die status quo uit
Spelers
[wysig | wysig bron]Victoria het ’n goeie rekord in terme van spelers wat vir nasionale en internasionale spanne gespeel het. Hulle sluit in:
- Sir Edward “Weary” Dunlop
- Digby Ioane (Queensland Reds en Wallabies)
- Rocky Elsom (NSW Waratahs en Wallabies)
- Lloyd Johansson (Queensland Reds en Wallabies)
- Tamaiti Horua (Western Force)
- Tom McVerry (Queensland Reds)
- Ole Avei (Queensland Reds)
- John Ulugia (ACT Brumbies)
- Christian Lealiifano (ACT Brumbies)
- David Palavi (ex-ACT Brumbies)
- Andrew Heath (Queensland Reds en Wallabies)
- David Fitter (London Irish, ex-ACT Brumbies en Wallabies)
- Nick Stiles (ex-Queensland Reds en Wallabies)
- Ewen McKenzie
Die Australiese Rugbyunie het die Rebels toegelaat om 10 buitelandse spelers te kontrakteer om op te maak vir ’n kontrakteringembargo wat aggressiewe kontraktering inperk om te voorkom dat die huidige vier spanne benadeel word.[38] Hierdie embargo sou op 1 Junie 2010 gelig word maar onderhandelinge tussen Waldron en die ARU asook protes deur die Rugbyspelersvereniging (RUPA) het veroorsaak dat dit vervroeg is na 15 Maart.[39] RUPA het ’n saak uitgemaak dat die venster wat spelers het om ’n kontrak met Europa te beding teen einde Junie reeds sou verstryk het.
Macqueen se afrigtingspan het dit van meet af aan duidelik gestel dat hulle ’n klub opbou en dat hulle spelers teiken wat na hulle mening ’n bydrae kan maak tot die klubkultuur,[40] met ’n beklemtoning op die opleiding van spelers vir die ‘lewe na rugby’. Stirling Mortlock[41] en die voormalige Wallaby Mark Gerrard[42] het gereageer op die Rebels se toewyding aan die ontwikkeling van "lewe na rugby" en gesê dit is faktore wat hulle oorweeg.
Die eerste speler wat deur die Rebels gekontrakteer is, is die losskakel van die London Wasps, Danny Cipriani[43] wat waarskynlik op heelagter sal uitdraf[44][45] waar hy ook al vir sy klub gespeel het.[46] Hierdie skuif het rugbyskrywer, Spiro Zavos van mening gelaat dat die Rebels reeds ’n losskakel se dienste bekom het.[47]
Op 18 Maart 2010 het die klub die kontraktering van die loskopstut Laurie Weeks aangekondig.[48] Op 28 Maart het die Walliese agtsteman, Gareth Delve, aangekondig dat hy ’n kontrak met die Rebels gesluit het.[49] Op 31 Maart is aangekondig dat Stirling Mortlock ’n kontrak van drie jaar met die Rebels gesluit het.[50]
Huidige span
[wysig | wysig bron]Rebels 2017 Superrugbyspan
Stutte Hakers Slotte |
Losvoorspelers Skrumskakels Losskakels |
Senters Vleuels Heelagters |
Ondersteuning
[wysig | wysig bron]In April 2009 het Neville Howard en Gavin Norman ’n onafhanklike ondersteunersgroep gestig om bewustheid van die bod op voetsoolvlak te kweek. Die groep is georganiseer via gewilde sosiale netwerkblaaie soos Facebook[51] en Twitter.[52]
Verwysings
[wysig | wysig bron]- ↑ (en) "Melbourne Rectangular Stadium". austadiums.com. Besoek op 12 Augustus 2009.
- ↑ (en) "Rugby in the Colony of Victoria". Colonial Rugby.
- ↑ (en) "Footy Almanac". Footy Alamanac.
- ↑ (en) "Rugby in the Colony of Victoria". Colonial Rugby.
- ↑ 5,0 5,1 (en) http://www.vicrugby.com.au/
- ↑ (en) "Rugby workshop agrees to a new eight team national competition". Australian Rugby Union (Website). Geargiveer vanaf die oorspronklike op 22 November 2008. Besoek op 6 April 2010.
- ↑ (en) "" New national rugby comp for 2007". Foxsports.
- ↑ (en) "Victoria aims to cash in on Super 12s after cup bonanza". New Zealand Rugby<www.nzrugby.co.nz.[dooie skakel]
- ↑ (en) "IRB Sevens World Series 2007/08 schedule announced". Hong Kong 7s [www.hksevens.com]. Geargiveer vanaf die oorspronklike op 26 Januarie 2013. Besoek op 6 April 2010.
- ↑ (en) "Victoria pushes for Super 12 inclusion". abc.net.au.
- ↑ (en) "Crunch time for Olympic Park". Austadiums [Austadiums.com.au].
- ↑ "Super 15 bids from Hawkes Bay, Taranaki". The Dominion Post (in Engels). Geargiveer vanaf die oorspronklike op 9 Oktober 2019.
- ↑ (en) "Super 15 bids: SA Rugby last to submit!". Sportsleader<www.sportsleader.co.za. Geargiveer vanaf die oorspronklike op 12 Junie 2010. Besoek op 6 April 2010.
{{cite web}}
: Onbekende parameter|last accessed=
geïgnoreer (hulp) - ↑ (en) "Cockatoos join Super 15". Rugbyvaria [rugbyvaria.co.za].
{{cite web}}
: Onbekende parameter|last accessed=
geïgnoreer (hulp)[dooie skakel] - ↑ "Victory boss adds his voice to calls for Melbourne super team". The Age [theage.com.au] (in Engels). Geargiveer vanaf die oorspronklike op 4 November 2012.
- ↑ "Melbourne Rebels feel frozen out of the super rugby process". Herald Sun [heraldsun.com.au] (in Engels). Geargiveer vanaf die oorspronklike op 14 Junie 2011.
- ↑ "Melbourne Rebels build case for Super 15 spot". The Herald Sun [heraldsun.com.au] (in Engels). Geargiveer vanaf die oorspronklike op 14 Junie 2011.
- ↑ (en) "Vics mauled in ARU powerplay". The Australian [theaustralian.com.au].
{{cite web}}
: Onbekende parameter|last cited=
geïgnoreer (hulp) - ↑ "ARU welcomes unity from Melbourne bid". The Age [theage.com.au] (in Engels). Geargiveer vanaf die oorspronklike op 23 Mei 2012.
- ↑ "Rivals merge to revive super bid called the "VicRebels" with 3 directors from each bid forming a committee chaired by Mitchell". Sydney Morning Herald [smh.com.au] (in Engels). Geargiveer vanaf die oorspronklike op 6 November 2012.
- ↑ (en) "Kings lose out on Super 15". Sport 24 [www.sport24.co.za]. News24. 11 November 2009. Geargiveer vanaf die oorspronklike op 26 Januarie 2013. Besoek op 24 Januarie 2010.
- ↑ (en) "ARU spurns Victorian in Super 15 deal". The Australian [www.theaustralian.com.au].
- ↑ (en) "ARU resolve Melbourne Super 15 ownership". thesuper15.com.[dooie skakel]
- ↑ (en) "Rebels will be stopped from signing Wallabies". thesuper15.com.[dooie skakel]
- ↑ (en) "Rebels looking at NRL figure for top job". rugby-heaven.com.au.
- ↑ (en) "Waldren to enter the Super 15 cauldron". thesuper15.com.[dooie skakel]
- ↑ (en) "Macqueen confirmed as Rebels coach". thesuper15.com.[dooie skakel]
- ↑ (en) "Rebels Name Macqueen as Coach". foxsports.com.au.
- ↑ (en) "Hill heads to Europe for Rebels recruits". The Sydney Morning Herald [www.smh.com.au].
- ↑ (en) "Mitchell and mates are rebels bringing Super 15 here". The Age [www.theage.com.au].
- ↑ (en) "Wealthy entrepreneur Harold Mitchell emerges as owner of new Melbourne Rugby team". Smart Company [www.smartcompany.com.au].
- ↑ (en) "Rebels show true colours". The Herald Sun [www.heraldsun.com.au]. Geargiveer vanaf die oorspronklike op 19 September 2012. Besoek op 6 April 2010.
- ↑ "Melbourne Rebels on the rugby march". rugby.com.au (in Engels). 29 Maart 2007. Geargiveer vanaf die oorspronklike op 3 Maart 2016. Besoek op 29 Maart 2007.
- ↑ (en) "Rebels give path way to the top". The Melton Express [www.meltonexpress.com.au]. Geargiveer vanaf die oorspronklike op 22 Augustus 2011. Besoek op 6 April 2010.
- ↑ (en) "Record attendance at state trials". Victorian Rugby Union. Geargiveer vanaf die oorspronklike op 23 Julie 2011. Besoek op 6 April 2010.
{{cite web}}
: Onbekende parameter|last accessed=
geïgnoreer (hulp) - ↑ (en) "Aussie and Kiwi rivalry on show for stadium opener". The Department of Premier and Cabinet.[dooie skakel]
- ↑ (en) "AAMI Park". Austadiums website.
{{cite web}}
: Onbekende parameter|last accessed=
geïgnoreer (hulp) - ↑ (en) "Melbourne rugby side barred from recruiting Wallabies". The Herald Sun [www.heraldsun.com.au].
- ↑ (en) "ARU clears way for rebel signings". The Herald Sun [www.heraldsun.com.au].
- ↑ (en) "Super coach Rod Macqueen to lead Rebels". The Melbourne Rebels [www.themelbournerebels.com.au]. Geargiveer vanaf die oorspronklike op 4 April 2010. Besoek op 6 April 2010.
- ↑ (en) "Mortlock mulling Super15 move to Melbourne". Super14.com [www.super14.com]. Geargiveer vanaf die oorspronklike op 26 Januarie 2013. Besoek op 6 April 2010.
- ↑ (en) "Rebels chase welsh recruit". The Australian [www.theaustralian.com.au].
- ↑ (en) "Danny Cipriani to leave Wasps and join Melbourne Rebels". BBC [news.bbc.co.uk].
- ↑ (en) "Rebels chase welsh recruit". The Australian [www.theaustralian.com.au].
- ↑ (en) "Rebels keen to get the most from Cipriani". ABC [www.abc.net.au].
- ↑ (en) "Danny Cipriani". The London Wasps [www.wasps.co.uk]. Geargiveer vanaf die oorspronklike op 26 Januarie 2013. Besoek op 17 Augustus 2021.
- ↑ "The curious case of fullback Danny Cipriani". The Roar [www.theroar.com.au] (in Engels). Geargiveer vanaf die oorspronklike op 9 Oktober 2019.
- ↑ "Melbourne Rebels sign Queensland Reds prop Laurie Weeks". Sydney Morning Herald [www.smh.com.au] (in Engels). Geargiveer vanaf die oorspronklike op 2 Maart 2012.
{{cite web}}
: Onbekende parameter|last accessed=
geïgnoreer (hulp) - ↑ "Gareth Delve Signs for Melbourne Rebels". Heavensgame (heavensgame.com). Geargiveer vanaf die oorspronklike op 19 Julie 2011. Besoek op 6 April 2010.
- ↑ "Mortlock to join Melbourne Rebels". Herald Sun [www.heraldsun.com.au] (in Engels). Geargiveer vanaf die oorspronklike op 14 Junie 2011.
- ↑ "Rebel Army". Facebook (in Engels). Geargiveer vanaf die oorspronklike op 22 Mei 2020.
- ↑ "Rebel Army". Twitter (in Engels). Geargiveer vanaf die oorspronklike op 19 Junie 2020.
{{cite web}}
: Onbekende parameter|last accessed=
geïgnoreer (hulp)
Eksterne skakels
[wysig | wysig bron]![]() |
Wikimedia Commons bevat media in verband met Melbourne Rebels (Superrugbyspan). |
- (en) Tuisblad Geargiveer 31 Januarie 2010 op Wayback Machine van die Melbourne Rebels
- (en) Nuus oor die Melbourne Rebels