Toengoeska-voorval
![](http://178.128.105.246/content-http-upload.wikimedia.org/wikipedia/commons/thumb/e/ed/Tunguska_Ereignis.jpg/220px-Tunguska_Ereignis.jpg)
![](http://178.128.105.246/content-http-upload.wikimedia.org/wikipedia/commons/thumb/b/bb/Russia-CIA_WFB_Map--Tunguska.png/220px-Russia-CIA_WFB_Map--Tunguska.png)
Die Toengoeska-voorval verwys na 'n enorme ontploffing op 30 Junie 1908 by 60°55'N 101°57'O[dooie skakel] in die streek Toengoeska (tans in Krasnojarsk-krai in Siberië). 'n Groot aantal bome is in 'n omtrek van 30 tot 40 kilometer ontwortel. Oor die oorsaak van die ontploffing word nog bespiegel omdat dit in 'n baie afgeleë gebied plaasgevind het. Dit is egter redelik seker dat die oorsaak 'n meteoor was wat op 'n hoogte van sowat agt kilometer uiteengespat het. Daar is ook sterrekundiges wat glo dit was 'n brokstuk van Encke se Komeet of 'n komeetkern wat die Aarde getref het.
Ooggetuies het 'n vuurbal uit die lug sien neerdaal wat ontplof het. Dit het gepaard gegaan met 'n baie harde knal. Die krag van die ontploffing het bome in die omgewing ontwortel en mense en diere weggeblaas. Die ontploffing was op meer as 200 km van die episentrum waarneembaar.
Sommige ondersoeke dui ook daarop dat die nabygeleë Tsjeko-meer gevorm kon gewees het deur 'n fragment van die ontploffende liggaam wat die aarde getref het.
Eksterne skakel
[wysig | wysig bron]- Toengoeska, Dr. Andrei E. Zlobin, 2013, No.2
- Toengoeska, Dr. Andrei E. Zlobin, 1304.8070 in arXiv.org, 2013, No.1 (PDF)
- A.E.Zlobin, Toengoeska PDC-2007
- Toengoeska 1908
- Astrobiology, V.4, N.3, 2004, 391-399
- Ooggetuieverslag en rekonstruksie
![]() |
Wikimedia Commons bevat media in verband met Tunguska event. |