Israel ben Elieser
![](http://178.128.105.246/content-http-upload.wikimedia.org/wikipedia/commons/thumb/b/b4/Besht_Signature.svg/200px-Besht_Signature.svg.png)
Dr Rabbi Israel ben Elieser (ישראל בן אליעזר), bekannter as Baal Schem Tow (בעל שם טוב, ‚Bsitzer vom guete Naame‘, abkürzt Bescht; uf d Wält choo um 1700 z Okop bi Kamieniec-Podolski in Poole-Litaue; gstorbe am 22. Mai 1760 z Międzyborz in dr Wojewodschaft Podolie, Poole-Litaue) gältet as dr legendäri Begründer vo dr chassidische Beweegig im Juudedum.
Biografii
[ändere | Quälltäxt bearbeite]Wenn genau er uf d Wält cho isch, wäiss mä nit und e hufe Äinzelhäite vo sinere Biografii si legändehaft. Was mä aber fast ganz sicher wäiss, isch ass er zwäimol verhürootet gsi isch. Mit sinere zwäite Frau het er e Soon und e Dochder gha, und er isch im Mai 1760, am zwäite Daag vom Wuchefest Schawuot, im Schtetl Międzyborz z Podolien gstorbe. Si Dochder Odel (au as Hodel oder Adel bekannt) het zwäi Söön gha, wo bäidi au Rabbiner worde si: dr Rabbi Mosche Chajim Efraim vo Sedilkow und dr Rabbi Baruch vo Tulczyn und Międzyborz.
Zu sine Läbzite het s kuum Brobleem wüsche de Chassidim und de Talmudiste gee und dr Bescht het si Beweegig as Däil vo dr jüüdische Orthodoxii gsee. Dr Bescht het Stellig für d Talmudiste und gege d Frankiste bezooge, wo im Jakob Frank dr Messias gsee häi, aber er het d Mensche, wo an dr Frank glaubt häi, nie verdüüflet. Noch ere Massekonwersioon vo Frankiste häig dr Baal Schem Tow gsäit, ass solang e Gliid no mit em Körper verbunde sig, mä no chönn Hoffnig haa, zum s z rette; aber wenn s emol amputiert sig, gäb s kä Hoffnig me.
Litratuur
[ändere | Quälltäxt bearbeite]- Eli Friedman: The Great Mission. The Life and Story of Rabbi Yisrael Baal Shem Tov. Übersetzt von Elchonon Lesches, Nöi York 2004, ISBN 978-0-8266068-1-5.
- Karl Erich Grözinger: Jüdisches Denken, Theologie-Philosophie-Mystik, Bd. 2, Von der mittelalterlichen Kabbala zum Hasidismus. Frankfurt am Main 2005.
- Martin Buber: Des Baal-Schem-Tow Unterweisung im Umgang mit Gott. Des Rabbi Israel Ben Elieser genannt Baal-Schem-Tow, das ist Meister vom guten Namen, Unterweisung aus den Bruchstücken gefügt von Martin Buber. Mit eme Noochwort und Kommentar uusegee vom Lothar Stiehm. Schneider, Häidelbärg 1981, ISBN 3-7953-0185-8.
- Isaac Bashevis Singer: Die Gefilde des Himmels: eine Geschichte vom Baalschem Tow. dtv, Münche 2004, ISBN 3-423-25220-0.
- Karl Erich Grözinger (Hrsg.): Die Geschichten vom Ba’al Schem Tov. Harrassowitz, Wisbaade o. J., ISBN 3-447-03867-5.
Weblingg
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vum Artikel „Israel_ben_Elieser“ vu de dütsche Wikipedia. E Liste vu de Autore un Versione isch do z finde. |