Lavaux
![]() |
Dä Artikel behandlet d Waadtländer Region Lavaux, för de glichnamig Bezirk lueg bi Bezirk Lavaux. |
![](http://178.128.105.246/content-http-upload.wikimedia.org/wikipedia/commons/thumb/7/75/Villette_%28Lavaux%29%2C_Suisse_et_lac_L%C3%A9man.jpg/220px-Villette_%28Lavaux%29%2C_Suisse_et_lac_L%C3%A9man.jpg)
![](http://178.128.105.246/content-http-upload.wikimedia.org/wikipedia/commons/thumb/1/12/Rivaz.jpg/220px-Rivaz.jpg)
![](http://178.128.105.246/content-http-upload.wikimedia.org/wikipedia/commons/thumb/9/9b/Lavaux%2C_viaduc_chemin_de_fer_-_ch.jpg/220px-Lavaux%2C_viaduc_chemin_de_fer_-_ch.jpg)
S Lavaux (früener dt. Ryf, dezue Ryfwyn, Reifwein «Wy us em Lavaux»[1]) isch es Schwizer Wybaugebiet im Kanton Waadt, wo am nordöstliche Ufer vom Gämfersee liit. D Räbsorte, wo im Lavaux am verbreitischte isch, isch de Chasselas (Guetedel).
Geografii
[ändere | Quälltäxt bearbeite]Das Wybaugebiet erstreckt sich zwüsche Lausanne und Vevey uf 898[2] Hektare, wo syt em 12. Johrhundert am staile Hang Terrassene aaglait worde sind. Im Weste gränzt s Lavaux a s Wybaugebiet La Côte und im Oste a das vo Chablais.
Gmeinde
[ändere | Quälltäxt bearbeite]Im Lavaux wohned öpe 14'000 Lüt i 10 Gmeinde, wo i de Bezirk Lavaux-Oron und Riviera-Pays-d’Enhaut liged (füf ehemolegi Gmeinde sind sit Endi Juni 2011 i de Gmeind Bourg-en-Lavaux zämegfasst, i däre Tabälle rächts ufglischted):
Schutz
[ändere | Quälltäxt bearbeite]Dank enere Volksiniziative, is Läbe gruefe dor de Umwältschützer Franz Weber, isch s Lavaux sit 1977 dur d Waadtländer Verfassig gschützt.
Im Dezämber 2005 hät s Schwizer Bundesamt für Kultur s Lavaux als UNESCO-Welterbe nominierte. S International Council on Monuments and Sites, e Underorganisazion vo de UNESCO, hät em UNESCO-Komitee ime im Mai 2007 veröffentlichte Pricht empfole, s Lavaux i d Liste ufzneh, nochdäm im August 2006 en Vertreter vo de Organisazion d Region bsuecht hätt.[3] Am 28. Juni 2007 isch d Uufnahm under em Name Weinterrassen von Lavaux mit Blick auf den See und die Alpen bschlosse worde.[4]
Wil de Franz Weber de Mainig isch, dass im Lavaux z vil baut wird und um e witere Bauspekulazion yzdämme, hät er Unterschrifte för e nöji Volksiniziative gsammlet. Di erforderlichi Underschriftezahl isch im Juli 2009 erreicht worde, e nöji Volksabstimmig isch dodemit wohrschinlich gsii.[5]
Am 18. Mai 2014 hät s Stimmvolch vom Kanton Waadt öber d Iniziative «Sauver Lavaux» zur Rettig vom Lavaux und öber en Gegevorschlag vo de Regierig chöne abstimme. D Iniziative vom Umwältschützer Franz Weber isch mit eme Nei-Stimmenaatail vo 68,09 % abglehnt worde. De Gegevorschlag vo de Regierig, wo de Schutz vom Lavaux nöd eso wiit wie bi de Iniziative gangen isch, hät en Jo-Stimmenaatail vo 68,47 % erraicht.[2]
Weblink
[ändere | Quälltäxt bearbeite]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Iidrag in der Wälterbliste vo dr UNESCO uf Änglisch und uf Französisch
- www.lavaux.ch – Un patrimoine vaudois
Fuessnote
[ändere | Quälltäxt bearbeite]- ↑ Schwizerischs Idiotikon Bd. VI Sp. 660, Artikel Rīf; (Site cha nüme abgrüeft wärde; Suche im Webarchiv) Bd. XVI Sp. 205, Artikel Rīf-Wīn (Site cha nüme abgrüeft wärde; Suche im Webarchiv)
- ↑ 2,0 2,1 news.ch: Waadtländer wollen keinen absoluten Schutz des Lavaux, 18. Mai 2014
- ↑ NZZ: Gute Chancen für das Lavaux als Welterbe Artikel vom 14. Mai 2007
- ↑ NZZ: Weinbaugebiet Lavaux wird Unesco-Weltkulturerbe Artikel vom 28. Juni 2007
- ↑ NZZ: Franz Weber will Bauspekulation eindämmen Artikel vom 10. Juli 2009
![]() |
Dä Artikel basiert uff ere fräie Übersetzig vu dere Version vum Artikel „Lavaux“ vu de dütsche Wikipedia. E Liste vu de Autore un Versione isch do z finde. |
Koordinate: 46° 29′ 31″ N, 6° 44′ 46″ O; CH1903: 546830 / 149194