Serbie-Montenegro
Dialäkt: Markgräflerisch (Ebringe) |
![](http://178.128.105.246/content-http-upload.wikimedia.org/wikipedia/commons/thumb/2/2f/Scg01.png/220px-Scg01.png)
![](http://178.128.105.246/content-http-upload.wikimedia.org/wikipedia/commons/thumb/e/e6/Scg02.png/220px-Scg02.png)
Serbie un Montenegro isch dr Rest vu Jugoslawie gsi, wo nooch dr Ufflösig vum alde Jugoslawie schliessli noch völkerrechtlich us dr beide Republike Montenegro sowie Serbie mit dr beide autonome Regione Vojvodina un Kosovo bestande het. Dr Staatebund het sich am 04. Juni 2006 mit dr Unabhängikeitserklärig vu Montenegro (nooch ere Volksabstimmig) ufglöst. Serbie isch dr Rechtsnoochfolger vum Staatebund.
Dr Kosovo stoht sit em Kosovokrieg 1999 under UN-Verwaldig un isch de facto vu Serbie uabhängig.
Serbie un Montenegro isch mit dr Umwandlig vu Rest-Jugoslawie am 4. Februar 2003 in e Staatlichi Gemeinschaft vu zwei fast enander unahängige Teilrepublike enstande. Dr Staatebund het au underschidliche Währige (Serbischer Dinar in Serbie un dr Vojvodina, Euro im Kosovo un in Montenegro) gha.
D'Hauptstadt vum Staatebund isch Belgrad gsi. S'Bevölcherigsverhältnis zwische Serbie un Montenegro lit bi öppe 20:1, d. h. es isch e sehr ugliiche Bundesstaat gsi.
Nochberstaate sin die ehemolige jugoslawische Republike Kroatie, Bosnie-Herzegowina un Nordmazedonie sowie Albanie, Bulgarie, Ungarn un Rumänie gsi.