Anette Olzon
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Anette Olzon | ||
---|---|---|
Información personal | ||
Nombre | Anette Ingegerd Olzon | |
Embotada | {{{Alias}}} | |
Naixió | 21 de chunio de 1971 | |
Murió | {{{Muerte}}} | |
Información musical | ||
Orichen | ![]() | |
Estilo | Power metal sinfonico | |
Ocupancia | {{{Ocupancia}}} | |
Instrumentos | {{{Instrumento}}} | |
Tiempo | 1988 - ... | |
Discograficas | {{{Discografica}}} | |
Relacionau con | Nightwish | |
Pachina web | www.anette-olzon.com |
Anette Ingegerd Olzon (naixita o 21 de chunio de 1971) ye una cantaire sueca orichinaria de Helsingborg, mas conoixita por estar a vocalista d'o grupo de power metal sinfonico finlandés Nightwish. D'antis mas Olzon estió cantaire d'o grupo sueco Alyson Avenue. Dimpués d'a suya dentrata en Nightwish, Anette ha feito colaboracions con cuantos grupos, en estudio y en vivo, encluyindo Brother Firetribe, Pain y The Rasmus. O suyo rango vocal ye de soprano.
En 2008, Anette gravó una canción con Brother Firetribe ta o suyo segundo disco, Heart Full of Fire, fendo dueto con The Rasmus, que levaba o títol de October & April. A canción amaneixió por primera vegata en una radio finesa o 9 d'octubre de 2009 y salió en formato dichital l'11 de noviembre de 2009.[1] O 13 d'agosto Anette gravó dos cancions con Nightwish, "Kuolema Tekee Taiteilijan y "Meadows of Heaven", chunto a la Orquesta Sinfonica de Estocolmo, en o Suomi Safari, un evento ta celebrar as relacions entre Suecia y Finlandia.[2] Mientres o descanso dimpués d'o concierto de Nightwish en o Hartwall Arena en 2009, Anette afirmó que quereba quitar un disco en solitario. O 19 d'octubre de 2009 prencipió a escribir cancions ta iste disco.[3]
Olzon ye fan de Sharon den Adel (de Within Temptation) y de Simone Simons (de Epica). [4] Amás parla de Carola Häggkvist, Sarah Brightman, Natalie Cole y Celine Dion como as suyas referencias en o mundo d'o canto. Diz que le cuaca ascuitar atros grupos de musica heavy metal como Sonata Arctica, Amorphis, Tarot, Within Temptation y Kamelot. Tamién se declara fan d'o grupo finlandés The Rasmus, mesmo antis de que colaborase con éls en a canción October & April. [5] Anette vive con a suya parella, o baixista d'o grupo Pain, Johan Husgafvel, su fillo Sett, naixito en chulio de 2001, os suyos gatos - Gremlins, Stjärnan, y o gato de su fillo, Busan. O 30 de chulio de 2010, naixió o suyo segundo fillo, Nemo.[6]
Formación musical
[editar | modificar o codigo]Anette Olzon creixió en un entorno familiar musical y prencipió a cantar dende que yera bien chicorrona. Su mai obligó a Anette cuan teneba 8 anyos a aprender a tanyer l'oboe. Gosaba fer chiras con su mai y a vegatas cantaba con ella. Dimpués, prencipió a fer parti de diferents concursos de talentos, recibindo prou reconoiximiento.[7] Con a edat de decisiet anyos dentró en o suyo primer grupo musical, Take Cover, que feba versions de cancions d'atros grupos. Con 22 anyos fació o papel prencipal en o rock opera "Gränsland" en Helsingborg. Dimpués d'isto dentró en l'academia de ballet (Balettakademien) de Gothenburg. En ista etapa cantó en coros, fació bels treballos d'estudio y ocasionalment actuó como cantaire en vodas. Anette Olzon tamién fació un dueto como cantaire con Michael Bormann (antigo cantaire de Jaded Heart) en o suyo disco "Conspiracy".
En os primers anyos, Anette Olzon fació clases en o Conservatorio Musical Copenaguen en Helsingør, Dinamarca con un mayestro privato. Actualment, asiste de cabo cuan a clase con un mayestro privato en a Universidat Musical de Malmö.[8]
Referencias
[editar | modificar o codigo]- ↑ www.therasmus-hellofasite.it
- ↑ "Anette will Play with Live Orchestra". Whiplash.net. http://whiplash.net/materias/news_874/090178-nightwish.html. Retrieved 2009-10-16.
- ↑ Anette Olzon Blog: First día of songwriting;=)
- ↑ BLABBERMOUTH.NET - NIGHTWISH Singer: 'Dark Passion Play' Is Heaviest Album Band Has Ever Done
- ↑ [1]
- ↑ http://anette-olzon.blogspot.com/2010/07/child-is-born.html
- ↑ (en) http://anette-olzon.blogspot.com/2010/07/child-is-born.html
- ↑ Nightwish Official-Anette Olzon