Isleta
Apariencia
![](http://178.128.105.246/content-http-upload.wikimedia.org/wikipedia/commons/thumb/2/2d/Halong_Bay_in_Vietnam.jpg/250px-Halong_Bay_in_Vietnam.jpg)
![](http://178.128.105.246/content-http-upload.wikimedia.org/wikipedia/commons/thumb/9/90/Farall%C3%B3_d%E2%80%99Albarca.jpg/250px-Farall%C3%B3_d%E2%80%99Albarca.jpg)
Una isleta u isoleta ye una isla chicota. A diferencia entre isleta y isla ye subchectiva. Se gosa decir isleta, por comparación, a las islas chicotas amanatas a islas mas grans, y tamién a las rocas litorals. Un atra forma d'diferenciar isla y isleta ye seguntes si pueden mantener, por as suyas dimensions, una población estable. Ixo no significa que as islas deshabitatas sían isletas, ya que a viabilidat d'una población penderá tamién d'os recursos naturals.
Os tipos d'isletas, y atros termins relacionatos con isleta son:
- Arrecife, ye una roca a flor d'augua, u a poca distancia d'a superficie. Pueden estar rocas litorals deseparatas d'a costa, u formacions coralinas.
- Farallón, ye una roca alta y aguda que sobresale d'o livel d'a mar.
- Atol, ye un aniello d'isletas sobre uns arrecifes de coral que zarran una laguna interna. L'aniello por un regular ye ubierto por canals que gosan estar navegables. As diferents isletas que formen l'atol se conoixen internacionalment con a parola polinesia motu, encara que orichinariament motu (u moku en hawaiano) ye una isla de cualsiquier tipo u dimensión.
- Banco d'arena, ye una isleta baixa formata por acumulación d'arena y atras restas, cuasi a flor d'augua. En o Caribe se dicen cay u key en anglés, y cayo en castellano.
- -holm ye un sufixo nordico que indica una isleta utilizata, por eixemplo, en Stockholm (Estocolmo).
Un puesto espectacular por a concentración d'isletas ye a badía de Ha Long, a o norte de Vietnam, con un total de 1.969 isletas. Ye declarata como Patrimonio d'a Humanidat por a UNESCO.