Şövqiyar Abdullayev
Şövqiyar Abdullayev | |
---|---|
Şövqiyar Cəmil oğlu Abdullayev | |
![]() | |
Şəxsi məlumatlar | |
Doğum tarixi | 5 aprel 1969 |
Doğum yeri | |
Vəfat tarixi | 27 avqust 1992 (23 yaşında) |
Vəfat yeri | |
Vəfat səbəbi | döyüşdə ölüm |
Dəfn yeri | |
Hərbi fəaliyyəti | |
Mənsubiyyəti |
![]() |
Qoşun növü | Quru qoşunları |
Xidmət illəri | 1987–1989 |
Rütbəsi | Əsgər |
Döyüşlər | Qarabağ müharibəsi |
Təltifləri |
![]() |
Şövqiyar Cəmil oğlu Abdullayev (5 aprel 1969, Nərimanlı, Basarkeçər rayonu – 27 avqust 1992, Drombon, Ağdərə rayonu) — Azərbaycanın Milli Qəhrəmanı; Qarabağ müharibəsi şəhidi.[1]
Həyatı
[redaktə | mənbəni redaktə et]Şövqiyar Abdullayev 1969-cu il 5 apreldə Qədim Göyçə mahalı Basarkeçər rayonunun Nərimanlı kəndində dünyaya gəlmişdir. 1986-cı ildə Nərimanlı kəndində orta məktəbi əla qiymətlərlə bitirmiş, Azərbaycan Politexnik İnstitutuna daxil olmuşdur. Birinci kursu bitirdikdən sonra ordu sıralarına çağrılmışdır. 1989-cu ildə Monqolustanda hərbi xidmətini başa vurub Bakıya qayıtmışdır.
Ailəsi
[redaktə | mənbəni redaktə et]Subay idi. Cəmil Abdullayevin oğludur. Texnika elmləri namizədi Malik Abdullayevin qardaşı oğludur.
Döyüşlərdə iştirakı
[redaktə | mənbəni redaktə et]1992-ci ildə Dağlıq Qarabağda döyüşlər başlayanda o, yeni yaradılan Milli Orduya yazılmış, Ağdamda təşkil edilmiş tank briqadasına komandir təyin edilmişdir. Onun tank briqadası Abdal-Gülablı kəndini özünə mövqe seçmiş, Papravənd, Pircamal, Aranzəmin və digər kəndlər uğrunda ağır döyüşlər aparmışdır. 1992-ci il 23 avqustda Gülablı kəndi ətrafındakı strateji əhəmiyyətli yüksəklikdən onun tank briqadası çıxarılaraq müəmmalı şəkildə Ağdərəyə, Drambon kəndinin müdafiəsinə kömək üçün göndərilmişdir. Az vaxt içərisində Drambon kəndi erməni-rus birləşmələrinin müqaviməti qırılaraq azad edilmişdir. Eyni zamanda, mühasirə halqasına düşmüş çox sayda piyada döyüşçülərimiz mühasirədən çıxarılmışdır. Drambon kəndi uğrunda gedən döyüşlərdə təkbaşına qalan Şövqiyar Abdullayevin tankı bir neçə dəfə vurulmuşdur. Hər iki ayağından yaralanan tank komandiri Ağdam hərbi hospitalına göndərilmşdir. Amma sağalmağa doğru gedən Ş. Abdullayev sonrakı müalicədən imtina edərək yenidən cəbhəyə qayıtmışdır. 1992-ci il 27 avqustda çox ağır döyüşdə o, öz yoldaşlarını əsir düşməkdən xilas etmiş, özü isə qəhrəmancasına şəhid olmuşdur.[2]
Milli Qəhrəman
[redaktə | mənbəni redaktə et]Azərbaycan Respublikası Prezidentinin 5 fevral 1993-cü il tarixli 457 saylı fərmanı ilə Abdullayev Şövqiyar Cəmil oğlu ölümündən sonra "Azərbaycanın Milli Qəhrəmanı" adına layiq görülmüşdür.
29 avqust 1992-ci ildə Bakının Şəhidlər xiyabanında dəfn edilmişdir.
İrsi
[redaktə | mənbəni redaktə et]Bakının Nəsimi rayonundakı əsas küçələrdən birinə Milli Qəhrəman Şövqiyar Abdullayevin adı verilib.[3]
İstinadlar
[redaktə | mənbəni redaktə et]- ↑ "National Heroes". Azerbaijans.com. 18 February 2019 tarixində arxivləşdirilib. İstifadə tarixi: 5 December 2018.
- ↑ Əsgərov, Vüqar. Azərbaycanın Milli Qəhrəmanları (PDF) (az.) (Redaktor: Kamil İsmayılov). Bakı: Qapp-poliqraf. 2005. 2019-01-09 tarixində orijinalından (PDF) arxivləşdirilib. İstifadə tarixi: 2019-03-01.
- ↑ "Arxivlənmiş surət". 2023-08-29 tarixində arxivləşdirilib. İstifadə tarixi: 2023-08-29.
Ədəbiyyat
[redaktə | mənbəni redaktə et]- Aslan Q. Qəfil ölümün qəm ustası //Yeni Müsavat.-1993.- 29 aprel.- S.3.
- Aslan Q. Şəhidlər unudulmur //Respublika.- 2003.- 27 avqust.-S.2.
- Aslan Q. Ulusan, ulu ad daşıyacaqsan //Bakı.- 1993.-8 aprel.- S.4.
- Ənsər B. Yaralı pələng döyüşdədir: [Həyatı, təhsili və döyüş şücaəti haqqında] //Ənsər B. Ağrıdağlı qəhrəmanlar.-B., 2004.- S. 57–61; Vətən səsi.- 1993.- 27 avqust.- S.3.
- Əsgərov V. Abdullayev Şövqiyar Cəmil oğlu //Əsgərov V. Azərbaycanın Milli Qəhrəmanları.- B., 2005.- S.12.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 19–20.
- Ələddinoğlu Z. Unudulmuş qəhrəman //Xalq qəzeti.-1996.- 13 aprel.- S.4.
- Həsənov E. Abdullayev Şövqiyar Cəmil oğlu //Həsənov E. Şəhid tələbələr.- B., 1994.- S.31.
- İsmayılov İ. Abdullayev Şövqiyar Cəmil oğlu: (1969–1992) //İsmayılov İ. Nəsimi rayonunun şəhidləri.- B., 1997.-S.15.
- Məmmədov Ş. Altından xətt çəkilən misra: Vətən, oğlunamsa, dizin-dizin sürünəcəm yolunda //Azərbaycan müəllimi.-1993.- 7 dekabr.- S.2.
- Ölüm sevinməsin qoy //Aydınlıq.- 1993.- 23 aprel.- S.4.
- Zeynalov R. Abdullayev Şövqiyar Cəmil oğlu: (1969–1992) //Zeynalov R. Azərbaycanın Milli Qəhrəmanları.- B.,1996.- S.72.
- 5 apreldə doğulanlar
- 1969-cu ildə doğulanlar
- Nərimanlıda doğulanlar (Basarkeçər)
- 27 avqustda vəfat edənlər
- 1992-ci ildə vəfat edənlər
- 23 yaşında vəfat edənlər
- Ağdərə rayonunda vəfat edənlər
- Şəhidlər Xiyabanında dəfn olunanlar (Bakı)
- Azərbaycan Silahlı Qüvvələrinin əsgərləri
- Azərbaycanın Milli Qəhrəmanları
- Əlifba sırasına görə hərbi xadimlər
- Birinci Qarabağ müharibəsi iştirakçıları
- Göyçədə doğulanlar
- Ermənistandan deportasiya olunmuş azərbaycanlılar