Boko Haram
![](http://178.128.105.246/content-http-upload.wikimedia.org/wikipedia/commons/thumb/9/9d/NG-Sharia.png/200px-NG-Sharia.png)
An Boko Haram (literal, libro binabawal o an Edukasyon Solnopan dai tinutugot), Jama'atu Ahlis Sunna Lidda'Awati Wal-Jihad, sarong militanteng Islamikong grupo sa parte kan norte-subangan kan Nigeria na an ma'wot maghade o mangimbabaw an Sharia sa gabos na 36 na estado sa Nigeria.[1]
Tinogdas ni Ustaz Mohammed Yusuf an ripondipon kan 2002 sa Maiduguri. Kan 2004 naghubo ini sa Kanama, Estado nin Yobe asin igdi nagmukna kan istasyon na inapod "Afghanistan", kun saen naghahale an nalusob sa mga kataraid na mga istasyon nin pulisya asin huli kaini nagadan an mga opisyal kan kapulisan. Si Yusuf habo kan demokrasya asin sistemang sekular na edukasyon asin nagpatakot na kapino'nan pa sana ini kan halawig na hokboan sagkod na dai binago an sistema kan pulitika asin edukasyon sa Nigeria. An grupo nagreresibi nin suporta asin pondo sa Al-Qaeda sa Islamikong Maghreb, asin ini hiniling kan Estados Unidos komo sarong teroristang organisasyon kan Nobyembre 2013. An mga kaapil igdi pwede umabot nin pirang ribo.[2]
An Boko Haram nagpanggadan na nin sobra sa 5,000 sibilyan sa pag'oltan kan Hulyo 2009 asin Hunyo 2014, na an 2,000 kaini ginaradan sa laog kan kabangaan nin 2014, sa mga atake nangyayari sa lugar nin norte-subangan, norte-sentral asin sa sentral na mga estado kan Nigeria. Gibo kan lakop an korupsyon sa mga sanga nin seguridad asin huli kan mga pan'aabuso kaini, orog na mapawot sumpoon an gibong lapastangan kan Boko Haram. Mga 650,000 katawo na an nagdurulag sa mga lugar nin kariribokan kan Agosto 2014, dagdag nin 2,000 poon Mayo.[3]
Toltolan
[baguhon | baguhon an source]- ↑ http://www.state.gov/j/ct/rls/crt/2013/224829.htm Kinua 03-09-14
- ↑ http://www.state.gov/r/pa/prs/ps/2013/11/217509.htm#.UoOamr6s8zA.twitter Kinua 03-09-14
- ↑ http://fas.org/sgp/crs/row/R43558.pdf Kinua 03-09-14