Makanan Betawi
Makanan Betawi (hurup Arab Gundul: ماكنن بتاوى) atawa daharan Betawi (hurup Arab Gundul: داهران بتاوي) entu kandel, roncèt, èn campuran,[1] bahna orang Betawi entu asalnya èmang deri macem ragem kaum nyang dateng deri mana-mana tempat di Nusantara, serènta tukang dagang Tionghoa, Hindi, Arab, ama Peringgi, ke Bandar Betawi (sekarang Jakarta) semprakan ada beberapa abad.[2]
Sawaban ama sejarah
[permak | permak sumber]![](http://178.128.105.246/content-http-upload.wikimedia.org/wikipedia/commons/thumb/f/f9/Kerak_Telor_Betawi_Vendor.jpg/220px-Kerak_Telor_Betawi_Vendor.jpg)
Masakan Betawi entu nongolnya disawabin ama macem-macem terdisi masak-masakan nyang dibawa orang mendonan nyang mijah ke ni bandar di pesisir lor pulo Jawa. Deri bandar kecil Sunda Kelapa, ni bandar tumbu gedé jadi bandar dagang antérobangsa, utamanya nyang pada ngembèt orang Indonésia dari laèn suku, ama sodagar dari Cina, orang Hindi, ama orang Arab. Pas abad ke-16, gara-gara kebèngbat ama dagang rempah, matrus Portugis entu nyang paling duluan nyampé di marih, diintilin ama orang Welanda di entu abad juga'. Pas jaman Kumpeni, masing-masing kaum pengendon asing digomplokin bakal ngambrek di kampung-kampung husus atas perènta kolonial Welanda. Mangkanya, ada daèrah tempat gomplokan makanan has nyang nongol di Betawi, tulad: daèrah Tenabang amè Kampung Melayu itu tempatnya makanan Arab pating ngejeprah, daèrah Glodok ama Kuningan – makanan Cina, ama daèrah Tugu di Jakarta Lor – sawaban makanan Portugis.[1]
Conto makanan Betawi
[permak | permak sumber]- Asinan betawi
- Bacang
- Bubur ayam
- Empal
- Gado-gado
- Kerak telor
- Ketoprak
- Tupat
- Lontong cap go meh
- Lontong sayur
- Laksa betawi
- Mi kangkung
- Nasi biryani[3]
- Nasi goreng kambing
- Nasi kebuli
- Nasi mandi[4]
- Nasi uduk
- Nasi ulam
- Pecak gabus[5]
- Perkedel
- Pesmol
- Pindang bandeng
- Pindang serani
- Ruti buaya
- Ruti gambang
- Rujak juhi
- Sate kuah
- Semur jengkol
- Sayur asem
- Sayur papasan
- Soto betawi
- Soto kaki
- Soto mi
- Soto tangkar
- Tahu goreng
- Toge goreng
Ruju'an
[permak | permak sumber]- ↑ a b Maria Endah Hulupi (22 June 2003). "Betawi cuisine, a culinary journey through history". The Jakarta Post. Diarsipin deri nyang asli tanggal 14 September 2015. Dipungut 30 January 2015.
- ↑ Petty Elliott (23 June 2011). "Food Talk: In the Salad Days of Betawi Cuisine". Jakarta Globe. Diarsipin deri nyang asli tanggal 14 September 2015. Dipungut 30 January 2015.
- ↑ "Sajian Kebuli, Mandi, dan Biryani". 6 July 2014. Diarsipin deri nyang asli tanggal 27 June 2020. Dipungut 24 June 2020.
- ↑ Mama Sya. "Nasi Mandhi@Mandy & Ayam Bakar". Photo Blog, Fotopages, October 07, 2009. Diarsipin deri nyang asli tanggal June 30, 2016. Dipungut June 24, 2020.
- ↑ Ayu Cipta (19 October 2014). "Preserving Betawi Traditional Cuisine". Tempo. Diarsipin deri nyang asli tanggal 10 February 2015. Dipungut 30 January 2015.