Górski wěz
![]() | |
Górski wěz (Ulmus glabra) | |
systematika | |
---|---|
Domena | Eukaryoty |
Swět | Rostlinstwo |
pódklasa: | (Rosidae) |
pórěd: | (Rosales) |
swójźba: | Wězowe rostliny (Ulmaceae) |
pódswójźba: | Ulmoideae |
rod: | Wěz[1][2] (Ulmus) |
družyna: | Górski wěz |
wědomnostne mě | |
Ulmus glabra | |
Huds. | |
Górski wěz (Ulmus glabra; syn.: Ulmus scabra, Ulmus montana) jo rostlina ze swójźby wězowych rostlinow (Ulmaceae).
Wopis
[wobźěłaś | žrědłowy tekst wobźěłaś]![](http://178.128.105.246/content-http-upload.wikimedia.org/wikipedia/commons/thumb/d/d1/Ulmus_glabra_flowers_-_Keila.jpg/220px-Ulmus_glabra_flowers_-_Keila.jpg)
Górski wěz jo bom, kótaryž dośěgnjo wusokosć wót 30 m.
Škóra jo wedli brozdata.
Łopjena su šyroko-lancetne, gropne, wótšo rězane, na spódku njesymetriske, górjejce mócnje gropne, na dolnem boku kósmate, dośěgnu dłujkosć wót 8 až do 12 cm a maju na wobyma bokoma 12-20 bocnych nerwow.
Kwiśo wót měrca až do apryla. Kwiśonki se pśed łopjenami jawje a su pśisamem sejźece.
Płod dośěgnjo dłujkosć wót 3 cm a njaso kśiłka. Semje jo w srjejźišću płoda.
Stojnišćo
[wobźěłaś | žrědłowy tekst wobźěłaś]Rosćo we dolinowych gólach a chłodkojtych wótkłonowych gólach. Preferujo wót zapšažowanja włožne, wutkate a bazowe, cesto pógibowane, glinjane a běłoglinowe zemi.
Rozšyrjenje
[wobźěłaś | žrědłowy tekst wobźěłaś]Rostlina w Europje rozšyrjona, w Alpach až do wusokosćow wót 1400 m.
Noty
[wobźěłaś | žrědłowy tekst wobźěłaś]- ↑ Dolnoserbsko-nimski słownik, ISBN 3-7420-1096-4, bok 535
- ↑ W internetowem słowniku: Ulme
Žrědła
[wobźěłaś | žrědłowy tekst wobźěłaś]- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok436 (nim.)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 396 (nim.)