Tom Holland
C'l artìcul chè 'l è scrit in
Miranduléś |
![](http://178.128.105.246/content-http-upload.wikimedia.org/wikipedia/commons/thumb/c/c0/Tom_Holland_director.jpg/240px-Tom_Holland_director.jpg)
Tom Holland (Poughkeepsie, 11 ad Luj dal 1943) 'l è 'n regista, senegiadōr e atōr americàṅ.
Biugrafìa
Al sò debùt da regìsta al gh'l à c'n al film dal 1985 Ammazzavampiri, cumèdia négra su i vampîr. Subìt dòp al firma 'n epiśòdi dla sèrie Storie incredibili prudóta da Steven Spielberg par la televiśiòṅ.
Dòp la cumèdia Fatal Beauty, cun la Whoopi Goldberg, in dal 1988 al gira qvél ch'al dvintarà 'l sò film più famóś, La bambola assassina (La bàmbula ch'la cópa) ch'al cònta i fat 'd un putòć ch'al masa la gint, Chucky.
In dal 1992 al gira insém a Richard Donner e a Robert Zemeckis un film ad scarésa par la televiśiòṅ, Incubi, cun Brad Pitt. Al sò epiśòdi al s ciàma Corsa verso la morte (King of the Road). Dòp un thriller cun Timothy Hutton da 'l tìtul Maledetta ambizione, in dal 2006 al tórna a giràr un film ad scarésa, L'occhio del male, trat da 'l rumànś ad Stephen King Thinner.
In dla sò caréra 'l à anc fat 'l atōr, cuma in Hatchet II dal 2010, e al scritōr ad film. Al più cgnusû di suo, girâ da di àtar, 'l è Psycho II.
Filmugrafìa
- 1985 - Ammazzavampiri (Fright Night)
- 1987 - Fatal Beauty
- 1988 - La bambola assassina (Child's Play)
- 1990 - Tornato per uccidere (The Stranger Within) film par la TV
- 1992 - Incubi (Two-Fisted Tales) film par la TV
- 1993 - Maledetta ambizione (The Temp)
- 1996 - L'occhio del male (Thinner)