CROESO!
Fy enw i ydy Robin Llwyd ab Owain a dw i'n gweithio fel Rheolwr Cymru i Wikimedia UK ers 01 Mehefin 2013. Cysylltwch drwy fy wici-ebost (bar sgrolio ar y chwith). Dw i'n Weinyddwr ers 18 Gorffennaf 2008 ac yn Fiwrocrat ers 22 Rhagfyr 2011. Arswydus swyddi! Mae gen i dros 415,000 o olygiadau a hynny ar 72 o brosiectau.
Dyma englyn neu ddau i'ch croesawu:
Wrth Ddarllen Llythyrau Owain Glyn Dŵr ar y Traeth yn Harlech ar Kindle
- O hen archoll anarchydd, - o galon
-
- I galon o'r newydd,
- Ar y we yn Gymry rhydd:
- O'r llenor i'r darllenydd.
ac un i Olygydd Wicipedia:
- Yn organig - rho ganwaith - y diolch
-
- Sy'n blodeuo'n berffaith:
- Rho yn ôl i'r hen, hen iaith
- Ei thwf, ei nerth a'i hafiaith...
Hyd yma cafwyd 12,964,547 o olygiadau ar y wici Cymraeg gan 92,020 o olygyddion cofrestredig a miloedd rhagor o olygyddion nad ydynt wedi mewngofnodi. Ceir 16 o Weinyddwyr sy'n ceisio cadw trefn ar bethau, a hynny mor agored a phosibl. Roedd nifer y golygyddion gweithgar (dros 5 golygiad) y mis diwethaf yn 124.
Y person diwethaf i olygu'r dudalen hon oedd Llywelyn2000 a hynny ar 27-12-2023; dyddiad heddiw ydy: 27 Awst 2024. Mae'r wybodaeth byw a welir ar y dudalen hon yn cael ei chasglu drwy ddefnyddio côd wici; ceir rhestr ohonyn nhw yn fama.
Dw i'n ymfalchio i mi gnocio drws, ac i'r drws hwnnw agor yn y sefydliadau canlynol:
Llywodraeth Cymru, Sain (Recordiau), Cyfoeth Naturiol Cymru, Llyfrgell Genedlaethol, y Coleg Cymraeg, S4C a Chymdeithas Edward Llwyd, sydd i gyd yn rhoi eu deunydd yn agored ar Wicipedia a'i chwiorydd. Braf hefyd oedd eistedd rownd y bwrdd yn 2015 gyda'r Eisteddfod Genedlaethol a Menter Mon, a chreu prosiect 'Wici Mon'. Ac yna, ar y cyd, fe luniom gais i CBAC a gwelwyd golygu Wicipedia yn un o heriau'r Fagloriaeth.
Gyda dau o hoelion wyth y Wici, dyblais y nifer o erthyglau yn 2023 i 278,000. Hefyd yn 2002 creais grwp o Olygyddion Celtaidd a chafwyd Golygathon Celtaidd. Cafodd Cymru Ail Wobr yng Nghystadleuaeth Wici'r Holl Ddaear, gyda Brasil yn 3ydd a Rwsia'n bumed!
Sgwennais ychydig am ddatblygiad y Wicipedia Cymraeg (addysg) mewn blog, a chyflwynais rhai cerrig milltir yng Nghynhadledd y Cwlwm Celtaidd yn Aberystwyth. Ymhyfrydaf i gais gan wiciMon a minnau gael ei dderbyn gan CBAC, a daeth golygu Wicipedia'n rhan o'r Fagloriaeth Gymraeg.
Cymru:
Os canfyddwch gangymeriad - cywiwch nhw, neu os fedrwch ehangu arnynt - gwnewch hynny! Mae mwy a mwy o bobl, ysgolion, cwmniau a cholegau yn defnyddio Wicipedia, bellach, felly ychwanegwch bwt ar eich ardal neu eich diddordeb!!! ...fel y cadwer i'r oesoedd a ddêl...
Ystadegau
|
Gweithred |
Nifer
|
Golygwyd
|
100179
|
Golygwyd a dilewyd
|
102092
|
Dilewyd
|
2291
|
Tudalennau a adferwyd
|
28
|
Tudalennau wedi'u diogelu
|
33
|
Tudalennau a wrthddiogelwyd
|
0
|
Addaswyd y tudalennau a ddiogelwyd
|
13
|
Defnyddwyr a flociwyd
|
339
|
Defnyddwyr a wrthflociwyd
|
29
|
Newidiwyd hawliau defnyddwyr
|
41
|
Crewyd cyfrifon Defnyddwyr
|
2
|