Mordvoj
Mordvoj | |
---|---|
![]() | |
etno | |
finn-ugroj | |
Ŝtatoj kun signifa populacio | |
![](http://178.128.105.246/content-http-upload.wikimedia.org/wikipedia/commons/thumb/c/c3/Moksha_girls.jpg/300px-Moksha_girls.jpg)
Mordvoj (memnomo: эрзя [erzja], мокша [mokŝa]) estas finn-ugra popolo loĝanta en la baseno de la riveroj Mokŝa kaj Sura.
La mordvoj havas du grupojn: la sud-okcidentan — mokŝa, kaj la orientan — erzja. Kiel apartaj grupoj de la mordva popolo estis konsiderataj ankaŭ tjurĥanoj kaj karatajoj, kiuj nun konsolidiĝis kun la rusoj. Kelkaj etnologoj opinias ke estas alia mordva grupo — ŝokŝoj, kiuj havas parte mokŝajn kaj parte erzjajn elementojn en kulturo kaj lingvo.
Ekzistas populariĝinta opinio, ke „mordvoj“ estas ne pli ol rusa nomo de la parencaj sed apartaj erzja kaj mokŝa etnoj[1]. Tamen plejparto el mordvoj dum censoj nomas sin mordvoj, sed ne laŭ subetna aparteno — mokŝoj aŭ erzjoj — eble pro influo de la establiĝinta sistemo kaj i. a. la nomo de la respubliko Mordvio.
La mordvoj parolas du mordvajn lingvojn: la mokŝan kaj la erzjan. Ambaŭ estas oficialaj lingvoj de la aŭtonoma regiono Mordvio.
La kredantoj de mordva popolo estas ĉefe ortodoksaj kristanoj.
Laŭ la censo de 2002 sur teritorio de Rusia Federacio loĝas 845 mil mordvoj.
Referencoj
[redakti | redakti fonton]- ↑ Interalie ĉe http://kominarod.ru/finno-ugry/nations/mordva/ Arkivigite je 2011-06-15 per la retarkivo Wayback Machine kaj en aliaj fontoj.