Doris Dörrie
Doris Dörrie | |
---|---|
![]() (2011) | |
Bizitza | |
Jaiotza | Hannover, 1955eko maiatzaren 26a (69 urte) |
Herrialdea | ![]() |
Familia | |
Ezkontidea(k) | Helge Weindler (en) ![]() |
Hezkuntza | |
Heziketa | University of the Pacific (en) ![]() New School (en) ![]() Municheko Telebista eta Film Unibertsitatea (1975 - |
Hizkuntzak | alemana ingelesa |
Jarduerak | |
Jarduerak | film-zuzendaria, zinema ekoizlea, gidoilaria, unibertsitateko irakaslea, idazlea eta zinema aktorea |
Enplegatzailea(k) | Municheko Telebista eta Film Unibertsitatea |
Lan nabarmenak | ikusi
|
Jasotako sariak | ikusi
|
Kidetza | PEN Centre Germany (en) ![]() Berlingo Arteen Akademia Deutsche Filmakademie (en) ![]() |
![]() ![]() ![]() ![]() ![]() ![]() ![]() |
Doris Dörrie (Hannover, 1955eko maiatzaren 26a) alemaniar zinema-zuzendaria da. Estatu Batuetara joan zen antzerki-ikasketak egitera. Haiek bukatuta, filosofia, semantika eta psikologiakoak egin zituen. Gero Alemaniara itzuli zen eta Municheko Zinema Eskolan sartu zen. Ikasketak amaitzeko egin zuen film laburrak, Der Erste Waltz (1978), zinemarako ateak zabaldu zizkion, Hofeko Jaialdian aurkeztu ondoren. Ordurako zenbait dokumental zuzendu eta zinema-kritikari gisa ere lantxo batzuk eginak zituen, eta telebistarako lanean ari zen: Hattest was Gescheites gelernt (1978). 1985ean estreinatu zuen bera gehien famatu eta Alemaniaz kanpo ezagutarazi duen filma: Gizonak, gizonak (1985). Film horrek Dörrieren zinemaren bi ezaugarri nagusiak ditu, hain zuzen ere: umore beltza sexua tratatzeko, eta bikote-harremanen azterketa gordina. Balearen barnealdea (1985) film road-movie gisakoa egin ondoren, komediara itzuli zen, eta Paradisua (1986) filmatu zuen, bikote-harremanak aztertuz berriro. Filmeko protagonista nagusietako batek, Katherina Thalbachek, Alemaniako Akademiaren Antzezle Onenaren Saria jaso zuen. Gero Alberto Moraviaren eleberri batean oinarritutako film bat egin zuen New Yorken: Neurea eta ni (1987), gizon baten eta bere zakilaren arteko hartu-emanaren kondaira. Handik Alemaniara itzuli zen, beste komedia bat egitera: Dirua (1989), jende arruntak aberastu berriei eta aberastu berriek jende arruntari dieten inbidiari buruzkoa. Beste zenbait film aipagarri: Happy Birthday, Türke! (1991), Inork ez nau maite (1994), Polita al naiz? (1998) eta Kirschblüten – Hanami (2008) (azken honek Seattleko zinemaldiak Film Onenaren Saria irabazi zuen). Dörriek, filmez gainera, zazpi kontakizun-liburu eta eleberri bat idatzi du. 2001. urtetik aurrera, antzerki-lanak idatzi eta zuzendu ditu: Così fan tutte (2001), Turandot (2003), Madame Butterfly (2005) eta Rigoletto (2006).
Filmografia hautatua
[aldatu | aldatu iturburu kodea]- 1978 Der erste Walzer
- 1978 Hättest was Gescheites gelernt
- 1978 Max & Sandy
- 1979 Paula aus Portugal
- 1980 Katharina Eiseit
- 1980 Von Romantik keine Spur
- 1982 Dazwischen
- 1983 Mitten ins Herz
- 1985 Männer
- 1985 Im Innern des Wals
- 1986 Paradies
- 1988 Ich und Er
- 1989 Geld
- 1989 Love in Germany
- 1992 Happy Birthday, Türke!
- 1993 Was darf’s denn sein?
- 1995 Keiner liebt mich
- 1998 Bin ich schön?
- 2000 Erleuchtung garantiert
- 2002 Nackt
- 2004 Ein seltsames Paar
- 2005 Der Fischer und seine Frau
- 2007 How to Cook Your Life
- 2008 Kirschblüten – Hanami
Bibliografia
[aldatu | aldatu iturburu kodea]- 1987 Liebe, Schmerz und das ganze verdammte Zeug
- 1989 Was wollen Sie von mir? (ipuina)
- 1991 Der Mann meiner Träume (ipuina)
- 1991 Für immer und ewig. Eine Art Reigen (ipuina)
- 1992 Love in Germany - Deutsche Paare im Gespräch mit Doris Dörrie
- 1994 Bin ich schön? (ipuina)
- 1996 Samsara (ipuina)
- 2000 Was machen wir jetzt? (eleberria)
- 2001 Happy. Ein Drama
- 2002 Das blaue Kleid (eleberria)
- 2002 Mimi (haur-literatura)
- 2004 Mimi ist sauer- (haur-literatura)
- 2006 Mimi entdeckt die Welt (haur-literatura)
- 2006 Mimi und Mozart (haur-literatura)
- 2007 Und was wird aus mir? (eleberria)
Erreferentziak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Doris Dörrie ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.