Józef Ignacy Kraszewski
Józef Ignacy Kraszewski (Varsovia, Polonia, 1812ko uztailaren 28a - Geneva, Suitza, 1887ko martxoaren 19a) poloniar idazlea izan zen.
Literaturako genero guztiak, kazetaritza, arkeologia eta historia landu zituen eta Poloniako idazle eta nobelagile erromantiko nagusienetakoa izan zen.
Biografia
[aldatu | aldatu iturburu kodea]Vilniusko unibertsitatean egin zituen ikasketak eta preso hartu zuten 1830. urtean Errusiako agintarien aurka jo zuelakoan, eta aske utzi zuten 1832an.
Ateneum aldizkaria argitaratu zuen 1841-1852. urteetan eta Gazeta Codzienna izeneko egunkaria 1859-1862 bitartean. Erbestera jo behar izan zuen 1863an, Poloniako agintaria iraindu zuelakoan, eta Alemaniako Dresdengo hirira joan zen.
1883an, atxilo hartu zuten Frantziaren aldeko espioitza lanak egina zatekeela eta, eta hiru urte eta erdiko espetxe-zigorra ezarri zioten Magdeburgon. 1885ean aske utzi eta Suitzara jo zuen ondokoan.
Nabari du Kraszewskik frantses idazleen eragina bere eleberrietan.
Obra nagusiak: Poeta i Swiat (1839, Poeta eta mundua), Zygmuntowskie czasy (1846, Segismundoren garaian), Chata za wsia (1853, Herri bazterreko etxola), Powiesc bez titulu (1855, Izenbururik gabeko eleberria).
![]() |
Wikimedia Commonsen badira fitxategi gehiago, gai hau dutenak: Józef Ignacy Kraszewski ![]() |
Erreferentziak
[aldatu | aldatu iturburu kodea]- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.