Evener
![](http://178.128.105.246/content-http-upload.wikimedia.org/wikipedia/commons/thumb/e/e5/World_map_with_equator.svg/300px-World_map_with_equator.svg.png)
De evener is de parallel dy't likefier fan de Noardpoal as fan de Súdpoal is.
Grutsirkel
De evener is de ienige parallel dy't ek in grutsirkel is. It is de grutsirkel dy't de snijsirkel foarmet fan it ierdoerflak mei in flak leadrjocht op de ierdas, healwei tusken beide poalen. De evener is dêrmei ek de nulparallel. De evener is it midden fan de tropen, dêr't de sinne twa kear yn it jier rjocht omheech stiet.
Faasje
Op de evener leit it ierdoerflak it fierst fan de ierdas, dat de gong fan punten op de evener, as gefolch fan de draaiing fan de Ierde, is heger as op oare punten op it ierdoerflak: likernôch 1.670 kilometer yn it oere. It fluchste punt op ierde leit dêrmei nei alle gedachten yn de Andes, yn Ekwador, net fier noardlik fan Kito.
Lannen
De evener rint troch de folgende lannen:
- Brazylje
- Kolombia
- Ekwador
- Fêstelân
- Galapagoseilannen (Isabella)
- Kiribaty
- Naurû - It eilân sels leit krekt súdlik fan de evener.)
- Yndoneezje
- De Maldiven
- Somaalje
- Kenya
- Uganda
- Kongo-Kinsjasa
- Kongo-Brazzaville
- Gabon
- Sao Tomee en Prinsyp