Jannes Kleiker
Jannes Kleiker | ||
![]() | ||
![]() | ||
persoanlike bysûnderheden | ||
nasjonaliteit | ![]() | |
berne | 22 novimber 1957 | |
berteplak | Grins | |
wurkpaad | ||
wurksum as | Skilder, dosint | |
streaming | Noardlike Realisten | |
medium | Oaljeferve | |
jierren aktyf | 1984-no | |
offisjele webside | ||
Webstee Jannes Kleiker |
![](http://178.128.105.246/content-http-upload.wikimedia.org/wikipedia/fy/thumb/4/47/Kleiker_zelfportret_jpg.jpg/150px-Kleiker_zelfportret_jpg.jpg)
![](http://178.128.105.246/content-http-upload.wikimedia.org/wikipedia/fy/thumb/6/61/LA_NASCITA_DI_VENERE..jpg/175px-LA_NASCITA_DI_VENERE..jpg)
![](http://178.128.105.246/content-http-upload.wikimedia.org/wikipedia/fy/thumb/7/7d/Jannes_Kleiker_2017.jpg/175px-Jannes_Kleiker_2017.jpg)
Jannes Kleiker (Grins, 22 novimber 1957) is in keunstskilder dy't wurket en wennet yn Drachten. Hy studearre oan de Akademy Minerva te Grins (1978-1984, rjochting frij tekenjen en skiderjen) dêr't er ûnder oaren les krige fan Matthijs Röling en Wout Muller. Hy kin rekkene wurde ta de Noardlike Realisten en wie in skoft lid fan keunstnersgroep Prisma '88. Letter waard er ien fan de QuasiRealisten, in yn 2012 oprjochte groep keunstners út de trije noardlike provinsjes.
Kleiker hat fan begjin ôf figuratyf skildere, fral froulike neakens, meast yn ferstilde pose. Kleiker skilderet meast nei de realiteit, mar set syn figueren, fan om 1997 ôf, ek yn oan de fantasij ûntspruten, eksoatyske omkriten, sa as Yndiaask oandwaande lânskippen, meditterane rotskusten (La Nascita di Venere-syklus), en de klassike âldheid (wat tinken docht oan guon wurken fan Laurens Alma Tadema, dy't tige bewûndere wurdt troch Kleiker). Bekend binne ek syn 'Grotsyklus' en Heveskessyklus'. It lege tsjerkje fan Heveskes foarme de eftergrûn fan de lêste, mei in soad omtinken foar ljochtfal. Dêrnei folge de 'La Nascita de Venere-syklus', in earbetoan oan al de renêssânseskilders dy't de 'berte fan Fenus' skildere hawwe. Ljocht - clair-obscur - is yn 'e rin fan jierren hieltiid wichtiger wurden yn syn wurk.
Letter besike Kleiker syn wurk in nije rochting te jaan. Dat resultearre ûnder oaren yn it skilderjen fan lânskippen en ek hynders en kij. Yn 2009 presintearre er syn earste byldhouwurk, koppen en torso's yn brûns.
Wurk fan Kleiker is yn it besit fan ING-keunstkolleksje, Museum Smellingerlân, Ryksuniversiteit Grins, partikulieren en Museum Møhlmann, dêr't er geregeldwei mei oare Unôfhinklike Reälisten syn wurk útstald.
Galery
[bewurkje seksje | boarne bewurkje]-
Hynstegoadinne (út grotsyklus, 1998)
-
Heveskes (út Heveskessyklus, 2000)
-
Skalks
-
Winter
-
Boskpaad
-
Twalûk ljochttsjuster-rêch (2009)
-
Twalûk ljochttsjuster-boarst (2009)
-
Torsa rzz
-
Normandje (2013)
-
Freulevijver (2013)
-
Pentagon (2014)
-
Wat is waar (2014)
-
Et lux in tenebris lucet (2015)
-
Tutto nel mondo è burla (2016)
-
Oude Dromen (2018)
-
Maanlicht (2018)