Focénidos
Focénidos Phocoenidae Toniñas Rango fósil: mioceno - actualidade | |||||||||||||||||
---|---|---|---|---|---|---|---|---|---|---|---|---|---|---|---|---|---|
![]() Toniña común (Phocoena phocoena) | |||||||||||||||||
Clasificación científica | |||||||||||||||||
| |||||||||||||||||
Subfamilias e Xneros | |||||||||||||||||
![](http://178.128.105.246/content-http-upload.wikimedia.org/wikipedia/commons/thumb/5/55/Dif_marsopa_delfin.png/200px-Dif_marsopa_delfin.png)
Os focénidos (Phocoenidae) son unha familia de cetáceos odontocetos da superfamilia dos delfinoideos, que inclúe as toniñas, touliñas ou marsopas,[1] semellantes aos golfiños ou delfíns, pero máis pequenas e de corpo máis repoludo.
Son as especies máis pequenas da orde dos Cetacea, quitando a Cephalorhynchus commersonii, que pertence á familia dos delfínidos.
Etimoloxía
[editar | editar a fonte]A familia dos Phocoenidae foi establecida, e bautizada, por John Edward Gray en 1825, que derivou o seu nome do xénero tipo, Phocoena (ás veces escrito Phocaena), coa desinencia do latín científico -idae, propia dos nomes das familias de animais.
O xénero Phocaena foi establecido ern 1816 por Cuvier, e é unha adaptación do termo grego φώκαινα fókaina, que era o nome da toniña común neste idioma.[2]
Diferenzas entre toniñas e golfiños
[editar | editar a fonte]- Tamaño: as toniñas son máis pequenas (coa excepción citada antes), aínda que comparativamente máis robustas.
- Reprodución: as toniñas alcanzan a madurez sexual antes, e crían relativamente máis vástagos que os golfiños, poñendo o acento na cantidade e non na calidade da crianza, segundo os parámetros da teoría biolóxica da selección r.
- Dentes: as tomiñas teñen dentes aplanados en lugar de en forma cónica como os golfiños.
- Aleta dorsal: as tiniñas teñen unha aleta dorsal pequena e de forma triangular, e maesmo algunhas non a presentan, como no xénero Neophocaena, mentres que os golfiños teñen estas aletas de formas arredondadas.
- Fociño: arredondado nas toniñas, cos extremos da boca levantados no que parece un eterno soriso. Os delfíns adoitan ter en xeral un fociño aguzado en forma de bico.
Taxonomía
[editar | editar a fonte]A familia dos focénidos está composta por 3 xéneros totalizando 6 especies.[3]
En 1984, Barnes agrupou os 3 xéneros de dúas subfamilias:[4][5]
Familia Phocoenidae Gray, 1825
- Subfamilia Phocoeninae Barnes, 1984
- Xénero Neophocaena Palmer, 1899
- Neophocaena phocaenoides(Cuvier, 1829)
- Xénero Phocoena Cuvier, 1816
- Phocoena phocoena (Linnaeus, 1758) – toniña común
- Phocoena sinusNorris & McFarland, 1958
- Phocoena dioptricaLahille, 1912
- Phocoena spinipinnis(Burmeister, 1865)
- Xénero Neophocaena Palmer, 1899
- Subfamilia Phocoenoidinae Barnes, 1984
- Xénero Phocoenoides Andrews, 1911
- Phocoenoides dalli (True, 1885)
- Xénero Phocoenoides Andrews, 1911
Notas
[editar | editar a fonte]- ↑ "toniña no dicionario da RAG". Arquivado dende o orixinal o 22 de xullo de 2013. Consultado o 22 de agosto de 2013.
- ↑ φώκαινα Arquivado 22 de agosto de 2013 en Archive.is en Axortagos.gr.
- ↑ Phocoenidae en SIIT.
- ↑ Phocoeninae en WoRMS.
- ↑ Phocoenoidinae en WoRMS.
Véxase tamén
[editar | editar a fonte]![]() |
Commons ten máis contidos multimedia sobre: Focénidos |
![]() |
Wikispecies posúe unha páxina sobre: Focénidos |
Bibliografía
[editar | editar a fonte]- Carwardine, M. (1995): Ballenas, delfines y marsopas. Guía visual de todos los cetáceos del mundo. Barcelona: Omega. ISBN 84-282-1037-3.
Outros artigos
[editar | editar a fonte]Ligazóns externas
[editar | editar a fonte]- Phocoenidae en ADW.
- Phocoenidae en WoRMS.
- Phocoenidae en NCBI.
- Phocoenidae en Lista vermella de especias ameazadas da INCN