Ki Tissa
![](http://178.128.105.246/content-http-upload.wikimedia.org/wikipedia/commons/thumb/a/ac/Tissot_The_Golden_Calf.jpg/500px-Tissot_The_Golden_Calf.jpg)
Ki Tisa, Ki Tissa, Ki Thissa, utawa Ki Sisa (כִּי תִשָּׂא — Ibrani kanggo "nalika kowe njupuk," yaiku kata kaenem lan kapitu, lan tembung distinsif kapisan ing parsyah) yaiku Wacaan Torèt Saben Minggu (פָּרָשָׁה, parsyah) ka-21 ing siklus wacaan Torèt lan kasanga ing Kitab Pangentasan. Parsyah kasebut nyritani pambangunan Tabernakel, insiden pedhet emas, panyuwunan Musa marang Gusti Allah kanggo ngaleboke dawuh-dawuh Gusti Allah lan nalika Musa dadi nesu.
Parsyah kasebut ngeliputi Pangentasan 30:11-34:35. Parsyah kasebut menika parsyah paling dawa saka wacaan Torèt saben minggu ing Kitab Pangentasan (sanadyan dudu sing paling dawa ing Torèt, sing dipegang dening Naso), lan kalebu 7.424 aksara Ibrani, 2.002 tembung Ibrani, 139 ayat, lan 245 baris ing Gulungan Kitab Torèt (סֵפֶר תּוֹרָה, Sefer Torah).[1]
Yahudi maca iku ing Sabat ka-21 sawise Simchat Torah, ing wulan Ibrani Adar, bebarengan karo wulan Februari utawa Maret ing pananggalan sekuler.[2] Yahudi uga macam bagean kapisan parsyah kasebut, Pangentasan 30:11–16 babagan pajak utami separo shekel, minangka wacaan Torèt maftir ing Sabat khusus Shabbat Shekalim (ing 1 Maret 2014, nalika Pangentasan 30:11-16 diwaca bebarengan karo parsyah Pekudei). Yahudi uga maca parsyah babagan hubungan Musa karo kamurahan ati Gusti Allah, Pangentasan 32:11-14 lan Pangentasan 34:1-10 minangka wacaan-wacaan Torèt ing dina-dina puasa Sedasa Tevet, Puasa Ester, Pitu Welas Tammuz, lan Puasa Gedalia, lan kanggo awan (Mincha) kegiatan donga ing Tisha B'Av. Yahudi macam bagean liyane saka parsyah kasebut, Pangentasan 34:1–26 sing nyritani Telu Perayaan Ziarah (Shalosh Regalim), minangka wacaan Torèt wiwitan ing dina katelu (Chol HaMoed) Paskah Yahudi. Yahudi maca sabagean gedhe saka paruh sing padha saka parsyah kasebut, Pangentasan 33:12-34:26 minangka wacaan Torèt wiwitan ing Sabat sing tiba ing salah sijining dina raya Paskah Yahudi utawa Sukkot.
Cathetan
- ↑ "Torah Stats — Shemoth". Akhlah Inc. Diarsip saka sing asli ing November 13, 2013. Dibukak ing July 7, 2013.
- ↑ "Parashat Ki Tisa". Hebcal. Dibukak ing February 15, 2018.
Pranala jaba
![](http://178.128.105.246/content-http-upload.wikimedia.org/wikipedia/commons/thumb/8/87/Old_book_bindings.jpg/150px-Old_book_bindings.jpg)
Teks
- Masoretic text and 1917 JPS translation Archived 2022-03-27 at the Wayback Machine.
- Hear the parashah chanted Archived 2011-03-02 at the Wayback Machine.
- Hear the parashah read in Hebrew