Factio socialis democratica Germaniae
![](http://178.128.105.246/content-http-upload.wikimedia.org/wikipedia/commons/thumb/f/fe/SPD-Logo_2022_%28rot%29.svg/150px-SPD-Logo_2022_%28rot%29.svg.png)
Factio socialis democratica Germaniae (Theodisce Sozialdemokratische Partei Deutschlands, breviter SPD) est factio socialista in Germania anno 1863 nomine Allgemeiner Deutscher Arbeiterverein ('Consociatio generalis operariorum Germanica') condita. Est una duarum magnarum factionum Germaniae.
Res gestae
[recensere | fontem recensere]SPD factio universalis anno 1890 condita est. Iam prius operarii partes singulas condiderant, sed illo demum anno vires suas coniunxerunt. Cum Sociales Democratici temporibus Germanici Imperii Secundi diu summos magistratus fugere deberent, magis magisque fautores conciliaverunt. Die 12 Ianuarii 1912, suffragio Dietae Imperii Germanici SPD factio primo tempore plurimos legatos habuit.
Anno 1914, plurimi Democratici Sociales fenore probato in bello gerendo discordiam factionum omnium et certamen contra imperatorem antea factum obruta esse censuerunt. Die 13 Ianuarii 1916, Carolus Liebknecht factionem SPD parlamenti Theodisci ("Reichstag") deseruit, quod pecunias imperatori pro bello credendas negavit. Factio sua pro patria contra hostes defendenda contendit. Ita etiam Fridericus Ebert censuit, qui 11 Ianuarii novus praeses factionis SPD electus erat. Anno 1917 ob eadem rem aliqui sodales, inter eos Hugo Haase, factionem reliquerunt et novam USPD condiderunt. Anno 1919, seditiosissimi sodales, inter eos Rosa Luxemburg et Carolus Liebknecht, factionem KPD condiderunt. Postquam Germani in primo bello in toto terrarum orbe facto cladem acceperunt, Democratici Sociales summam potestatem Germaniae assumpserunt. Fridericus Ebert, consodalis eorum factionis, primus praeses Rei Publicae Wimarensis creatus est. Anno 1924, alii sodales USPD ad SPD reverterunt, alii ad KPD iter fecerunt.
Anno 1933 in Germania, dictatura erecta est, et SPD reliquaeque partes prohibitae sunt. Multi socii aut Germaniam fugerunt aut illic restiterunt; multi in campis captivi custodiendi retenti sunt, quorum magna pars necata est.
Post alterum bellum in toto terrarum orbe factum Democratici Sociales denuo eorum factionem condiderunt. In zona Sovietica factiones KPD et SPD die 21 Aprilis 1946 socialis democraticis invitis consociati sunt. Nec prius quam 1989 factio in hac parte Germaniae iterum condita est. Anno 1949, cladem electionis acceperunt et usque ad annum 1966 adversam factionem (oppositionem) formaverunt.
Tum tres per annos coalitione cum Christiana Democratica Unione iuncti erant. Ab anno 1969 ad annum 1982, cancellarii Germaniae Gulielmus Brandt et Helimutus Schmidt etiam rectores factionis SPD fuerunt.
Anno 1998, Gerhardus Schröder, rector factionis SPD, cancellarius foederalis factus est et ad annum 2005 mansit.
Annis ab 2005 ad 2009, factio una cum Unione Angela Merkel (CDU) cancellaria Germaniam regnabat magna in coalitione, ab anno 2009 iterum adversa factio erat. Ab anno 2013 SPD iterum cum CDU foedus regnandi habet.
Praesides
[recensere | fontem recensere]Ab anno 1946:
Nomen | tempus officii |
---|---|
Curtus Schumacher (natus 1895, mortuus 1952) | 11 Maii 1946 - 20 Augusti 1952 |
Ericus Ollenhauer (natus 1901, mortuus 1963) | 27 Septembris 1952 - 14 Decembris 1963 |
Gulielmus Brandt (natus 1913, mortuus 1992) | 16 Februarii 1964 - 14 Iunii 1987 |
Ioannes Iochen Vogel (natus 1926) | 14 Iunii 1987 - 29 Maii 1991 |
Björn Engholm (natus 1939) | 29 Maii 1991 - 3 Maii 1993 |
Ioannes Rau (natus 1931, mortuus 2006) | 3 Mai 1993 - 25 Iunii 1993 |
Rudolphus Scharping (natus 1947) | 25 Iunii 1993 - 16 Novembris 1995 |
Anscharius Lafontaine (natus 1943) | 16 Novembris 1995 - 12 Martii 1999 |
Gerhardus Schröder (natus 1944) | 12 Martii 1999 - 21 Martii 2004 |
Franciscus Müntefering (natus 1940) | 21 Martii 2004 - 15 Novembris 2005 |
Matthias Platzek (natus 1953) | 15 Novembris 2005 - 10 Aprilis 2006 |
Curtus Beck (natus 1949) | 10 Aprilis 2006 - 7 Septembris 2008 |
Franciscus Gualterius Steinmeier (ad interim) (natus 1956) | 7 Septembris 2008 - 18 Octobris 2008 |
Franciscus Müntefering (iterum) | 18 Octobris 2008 - 13 Novembris 2009 |
Sigmarius Gabriel (natus 1959) | 13 Novembris 2009 - 19 Februarii 2017 |
Martinus Schulz (natus 1955) | 19 Februarii 2017 - 14 Febrarii 2018 |
Olaus Scholz (pro tempore, natus 1958) | 14 Febrarii 2018 - 22 Aprilis 2018 |
Andrea Nahles (nata 1970) | 22 Aprilis 2018 - 3 Iunii 2019 |
Manuela Schwesig et Maria-Ludovica Dreyer et Thorsten Schäfer-Gümbel (pro tempore) | 3 Iunii 2019 - 6 Decembris 2019 |
Sascia Esken (nata 1961) et Lars Klingbeil (natus 1978) | 6 Decembris 2019 - |