Laurentius (archidiaconus et martyr)
![Laurentius (archidiaconus et martyr): imago](http://178.128.105.246/content-http-upload.wikimedia.org/wikipedia/commons/thumb/0/0b/St._Laurentius_in_Dorfkirche_St._Laurentius_in_Hornstorf.jpg/150px-St._Laurentius_in_Dorfkirche_St._Laurentius_in_Hornstorf.jpg)
Obitus: 10 Augusti 258; Roma
Patria: Roma antiqua
Familia
Memoria
hieromartyr (feriae die 10 Augusti)
![](http://178.128.105.246/content-http-upload.wikimedia.org/wikipedia/commons/thumb/b/b1/Fra_Angelico_036.jpg/295px-Fra_Angelico_036.jpg)
![](http://178.128.105.246/content-http-upload.wikimedia.org/wikipedia/commons/thumb/1/15/Adam_Elsheimer_-_Der_Heilige_Laurentius.jpg/220px-Adam_Elsheimer_-_Der_Heilige_Laurentius.jpg)
Laurentius, martyr et archidiaconus Romae, passus est die 10 Augusti 258.
Martyrium secundum antiquam traditionem
[recensere | fontem recensere]Laurentio Sixtus II papa curam pauperum et miserorum mandaverat. Postquam Valerianus imperator Sixtum supplicio affecit, Laurentius verberatus iussus est, ut thesaurum ecclesiae inter triduum traderet. Laurentius autem thesauro inter fideles distributo turbam pauperum, aegrorum, mancorum, viduarum et orphanorum iudici ut "ecclesiae thesaurum" praesentavit. Quare in crate ferrea flammis traditus est. Tum etiam iudici insultavisse traditur, cum diceret: "Assatum est iam, versa et manduca!" Inde Laurentius cum crate ferrea depingitur. Traditio vult eum una cum quattuor sociis anno 258 die 10 Augusti hoc martyrium tulisse.
Veneratio
[recensere | fontem recensere]Sepulcrum eius invenitur prope viam Tiburtinam, ubi iam initio saeculi quarti memoria Laurentii celebrata est. Constantinus imperator ibi basilicam aedificavit, ex qua pluries mutata hodierna Basilica Sancti Laurentii extra muros exstitit. Anno 955 die 10 Augusti Otto I imperator Hungaros in Campo Lici fluminis devicit. Cum victoria auxilio S. Laurentii adscripta esset, veneratio eius valde increbuit.
Fontes
[recensere | fontem recensere]Martyrologium Romanum (a. 2001, die 10 Augusti) haec notat:
- festum sancti Laurentii, diaconi et martyris, qui, Xysti papæ consortium etiam in martyrio cupiens, ut refert sanctus Leo Magnus, thesauros Ecclesiæ tradere iussus, pauperes, in quorum victum atque vestimentum facultates cumulaverat, illuso tyranno ostendit ac post triduum pro Christi fide flammas superavit et in honorem eius triumphi transierunt etiam instrumenta supplicii. eius corpus Romæ in cœmeterio in agro Verano eius nomine appellato depositum est.
Prudentius poeta, in libro Peristephanon, carmen 2, in illius martyris honore, sub titulo Passio Laurentii beatissimi martyris scripsit.
Praeterea exstant varii de natali S. Laurentii sermones, inter alios Ambrosii, Augustini et Leonis I papae.
Notae
[recensere | fontem recensere]
Nexus externi
[recensere | fontem recensere]- De natali S. Laurentii levitae et martyris (Sermo 71 Ambrosii Mediolanensis)
- In Natali S. Laurentii (sermones 206 et 207 Augustini Hipponensis)
- In Natali S. Laurentii martyris (Sermo 85 Leonis I papae)
- Hymnus in honorem passionis Laurentii (Prudentius: Peristephanon, c. 2)