Kuchundúrya
![](http://178.128.105.246/content-http-upload.wikimedia.org/wikipedia/commons/thumb/9/93/Beets_produce-1.jpg/250px-Beets_produce-1.jpg)
La kuchundúrya (Beta vulgaris) es una planta de la famiya Chenopodioideae, de la kuala las ojas i la rais se pueden usar en la kosina. Egzisten munchas variedades de kuchundúryas, de las kualas alkunas son uzadas para la kosina, otras para alimentar las trupas de bestias i otras para produzir asukar (la kuchundúrya asukarada, Beta vulgaris vulgaris altissima); otras, komo la Beta vulgaris cicla o pazí, es konosida por las sus ojas, uzadas en la kosina.
La kuchundúrya uzada en la mesa es de rais gódra i kolorada, i jeneralmente es komuda dempues de buyir; la su kolor esta debido a la betasyanina i la betaksantina, las kualas no son tomadas por el puerpo ma es uzada para dar kolor a munchos produktos. Endemas, un subprodukto de la endustria del asukar de kuchundúrya es uzado para dar alimento a las trupas de ebstias. Alkunos akademikos tentan produzir biokombustivel por módre de la fermentasion de estos restos.