Regierungsbezirk
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/3/3b/Administrative_divisions_of_Germany.svg/langde-220px-Administrative_divisions_of_Germany.svg.png)
'ne Regierungsbezirk of e Regieringsdistrik is 'n bestuurleke regio in Duitsland. Heer ligk tösse de boveligkende deilstaote en de oonderligkende kring (Kreise) in. In de meiste staote höbbe de regierungsbezirke gein polletiek beteikenis mie en vörme ze dus dèks cultureel regio's. In veer staote gief 't nog polletieke regierungsbezirke: Noordrien-Wesfale, Hesse, Baden-Württemberg en Beiere. Allein in Baden-Württemberg steit 't polletiek bestaon vaan de distrikte neet oonder discussie. Dao höbbe ze in 2005 zjus mie mach gekrege. De meis recenteleke aofsjaffinge vaan Regierungsbezirke zien die vaan Rienland-Palts in 1999, Sakse-Anhalt in 2003 en Nedersakse in 2004. Hei zien de regierungsbezirke regio's gewore. Dao zitte wel bepaolde instèllinge, wie de toeriste-institute, aon verboonde. De Regierungsbezirke vaan Sakse zien in 2008 herneump nao Direktionsbezirke, wat in hilt tot ze minder mach höbbe gekrege es de kring. Alle aandere staote höbbe noets regierungsbezirke gehad. Dit soms vaanwege hun väöls te kleine vlaakte, wie Berlien en 't Saarland, en soms door 'n hendeg dun bevolkeringsdiechte, wie Brandeburg.
![](http://178.128.105.246/content-http-upload.wikimedia.org/wikipedia/commons/thumb/5/5a/Regierungsbezirke_Deutschlands_1981-2008.svg/220px-Regierungsbezirke_Deutschlands_1981-2008.svg.png)