Visegrádgroep
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
![](http://178.128.105.246/content-http-upload.wikimedia.org/wikipedia/commons/thumb/b/b9/Visegrad_group_countries.svg/220px-Visegrad_group_countries.svg.png)
De Visegrádgroep of Visegrád 4 (V4) is 'n alliantie van de veer Centraal-Europese leng Hongarije, Pole, de Sjlowakei en Tsjechië. De Visegrádgroep houw ziene oersjprónk in 'ne handelstop van de regeringsleijere van Hongarije, Pole en Tsjechosjlowakei i g'n sjtad Visegrád óp d'r 15e fibberwaar 1991. De drei leng (wie Tsjechosjlowakije in 1993 in twieë woeëd gedeeld, woare dat veer) wole doamit 'n samewirking ópzette vuur 't Europees integratieproces te bevordere. De lede woeëde allenui óp d'r ieësjte mei 2004 lid van de Europees Unie.
D'r naam is aafgeleid van 'n bei-einkóms van de kuëninge van de Boheme, Hongarije en Pole in Visegrád in 1335.
Noa Sjlovenië zint de veer leng de riekste postcommunistische sjtate in Europa. Alle leng hant 'n vrei maatikkenomie en kinne gemiddelde ikkenomische grui. Wier zint alle veer leng rippeblieke en parlementair democratieë mit e mieëparteiesjtelsel.
Tiedes de Europese migrantecrisis van 2015 vörmde de Visegrádgroep 'ne subgroep binne de EU. De veer Visegrádleng weigerde mit te wirke aan 't Europees vluchtelingebeleid en wole gee migrante oet Syrië en anger leng oet Afrika en Azië ópnumme.