Kakouboon
Uterlik
![](http://178.128.105.246/content-http-upload.wikimedia.org/wikipedia/commons/thumb/0/01/Cacao-pod-k4636-14.jpg/260px-Cacao-pod-k4636-14.jpg)
De kakouboon is dé smoakbepoalende stof veur sokkeloa. De boon is de vrucht van de kakouboom. Herman Cortez bracht de eerste kakoubonen mit noar Spanje vanoet Mexico. t Recept veur sokkeloatmelk is doar meer as 100 joar geheim holden. De kakoubonen wuiren eerst roosterd, tot n dikke massa vermoalen en aanlengd mit woater. Veur de smoak wuir hunneg en sokker touvougd.
In 1825 ontdekte de Nederlaander Coenraad Johannes van Houten de boasis veur de beraaiden van kakoupouder, kakoubutter en sokkeloa. Hai ontdekte hou kakoubutter oet de bonen perst kon worden. Ook ontdekte Van Houten t alkaliseern: n methode om de aanwezege zoeren in de kakou te neutraliseern. Dit kwam de smoak ten goede.
![]() |
Commons: Kakouboon - plaatjes, filmkes en/of gelüüdsbestanden. |