Elliot Page
![](http://178.128.105.246/content-http-upload.wikimedia.org/wikipedia/commons/thumb/3/34/Elliot_Page_%2820413418916%29_%28cropped%29.jpg/220px-Elliot_Page_%2820413418916%29_%28cropped%29.jpg)
Elliot Page (* 21. Februar 1987 in Halifax, Neeschottland, Kanada) is en kanaadschen Schauspeler un Filmproduzent. Bet 1. Dezember 2020 hett Page as Ellen Page (Ellen Grace Philpotts-Page) na buten as Fro leevt, hett denn aver bekannt maakt, dat he trans is un in Tokumst as Mann leven un ansehn warrn will.
Leven
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/6/66/Binckhorst_Den_Haag_in_tranformatie_%2846929199454%29.jpg/220px-Binckhorst_Den_Haag_in_tranformatie_%2846929199454%29.jpg)
In en Öller von teihn Johr is Page mit de Schauspeleree anfungen. Noch in’t sülve Johr keem de eerste grote Rull in’n Pilootfilm to de kanaadsche Feernsehreeg Pit Pony. För de Rull as Maggie MacLean is Page dat eerste Maal för Filmpriesen nomineert worrn. Dorna kemen noch mehr kanaadsche Feernseh-Produkschonen, Feernsehregen un Independent-Filmen. 2005 hett Page in Hard Candy Hayley Stark dorstellt, en 14 Johr ole Deern, de över dat Internett en vullwussen Mann kennenlehrt, de achter minnerjohrige Deerns achterher is.
Mit X-Men: The Last Stand hett Page in de Rull as Kitty Pryde/Shadowcat in’n Sommer 2006 in’n eersten Blockbuster mitspeelt un kunn sik internatschonaal etableren. 2007 hett Page in de kanaadsche Produkschoon The Tracey Fragments mitspeelt, von de Schrieversche Maureen Medved ünner Speelbaas Bruce McDonald, de mit Page al in de Feernsehreeg ReGenesis tohooparbeidt harr. In An American Crime hett Page de Rull as Sylvia Likens övernahmen, de von ehr Pleegmoder, dorstellt von Catherine Keener, doodquäält warrt. Düsse Film weer inspireert von en Kriminaalfall, de 1965 in Indiana för Opsehn sorgt harr.
Blangen de Rull in X-Men hett Page vör allen de Rull as de 16 Johr ole Schölerin Juno in’n Film Juno vöranbröcht. In düsse Hööftrull hett Page an de Sied von Michael Cera un Jennifer Garner en Teenager speelt, de unwullt swanger warrt. In düssen Film singt Page tohoop mit Cera den Moldy-Peaches-Titel Anyone Else but You, mit den de beiden an’n 26. Januar 2008 för twee Weken in de US-Charts instegen sünd un dor op Platz 91 kemen. De Filmsoundtrack keem op Platz 1 von de US-Album-Charts. 2008 weer Page för düsse Rull för’n Oscar in de Kategorie best Schauspeler/in nomineert. 2010 weer Page an de Sied von Leonardo DiCaprio in’n Heist-Movie Inception to sehn mit de Rull as Droom-Architektin Ariadne. 2012 keem Woody Allen sien To Rome With Love mit de Rull as Monica, de en jung Poor meist dorto bringt, sik to trennen. Bi de Independent Spirit Awards un bi de MTV Movie Awards hett Page den Pries in de Kategorie best Künstler/in wunnen. In’n Mai 2014 hett Page in’n Film X-Men: Days of Future Past wedder de Rull as Kitty Pryde/Shadowcat speelt.
In dat PlayStation-3-Videospeel Beyond: Two Souls, dat 2013 rutkeem, weer Page tohoop mit Willem Dafoe to sehn.
An’n 14. Februar 2014 hett Page op en Kunferenz von de Human Rights Campaign in Las Vegas bekannt maakt, lesbisch to leven. Page hett sietdem jümmer wedder as Repräsentant von de Human Rights Campaign un in Interviews apen över de Problemen snackt, de dat Leven vör dat Coming Out mit sik bröch.[1][2][3] Page see, sik besünners in de Rull von homosexuelle Figuren (to’n Bispeel in Freeheld) wohl to föhlen un sik to frein, wenn dat dorto wedder Gelegenheit geven dee. Liekers see Page ok, dat dat kränken dee, wenn heterosexuelle Schauspelers in homosexuelle Rull „Kraasch“ tospraken warrt, wieldes dat nich daan warrt, wenn en homosexuelle Person en heterosexuelle Rull spelen dee.[4] Von September 2015 bet Anfang 2017 harr Page en Beziehung mit de Künstlerin Samantha Thomas.[5] In’n Januar 2018 hett Page de Danzerin un Choreografin Emma Portner freet, nadem de beiden siet Sommer 2017 en Poor weren.[6][7]
Dat US-amerikaansche Time-Magazin hett Page 2019 in’n Artikel Meet 15 Women Leading the Fight Against Climate Change as een von 15 Froonslüüd vörstellt, de vörn mit dorbi gegen den Klimawannel gegenangaht.[8]
Siet 2019 speelt Page ok de Rull as Vanya Hargreeves in de Netflix-Reeg The Umbrella Academy;
An’n 1. Dezember 2020 hett Page över Social Media bekannt geven, transgender to ween un sik wünscht, dat Lüüd em Elliot nöömt un em mit de engelschen Pronomen he („he“) oder they (ok in’n Singular geslechtsneetraal) ansnackt.[9][10]
Filmografie
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/1/14/Elliot_Page_at_TIFF_2009_cropped.jpg/220px-Elliot_Page_at_TIFF_2009_cropped.jpg)
- 1997: Pit Pony
- 1999: Pit Pony (Feernsehreeg)
- 2001: Trailer Park Boys (Feernsehreeg)
- 2002: Rideau Hall (Feernsehreeg, Piloot)
- 2002: Marion Bridge
- 2002: The Wet Season
- 2003: Mrs. Ashboro’s Cat
- 2003: Touch & Go
- 2003: Homeless to Harvard: The Liz Murray Story
- 2003: Going for Broke
- 2003: Love That Boy
- 2004: Mouth to Mouth
- 2004: I Downloaded a Ghost
- 2004: Wilby Wonderful
- 2004: ReGenesis (Feernsehreeg)
- 2005: Hard Candy
- 2006: X-Men: The Last Stand
- 2007: The Stone Angel
- 2007: An American Crime
- 2007: The Tracey Fragments
- 2007: Juno
- 2008: Smart People
- 2009: Whip it
- 2009: Vanishing of the Bees
- 2009: The Simpsons (Feernsehreeg, Stimm)
- 2010: Inception
- 2010: Peacock
- 2010: Super
- 2012: To Rome With Love
- 2013: The East
- 2013: Touchy Feely
- 2013: Out There (Tekentrickreeg, Stimm, Episood 1x10)
- 2014: X-Men: Days of Future Past
- 2015: Into the Forest (ok Produzent)
- 2015: Freeheld
- 2016: Window Horses: The Poetic Persian Epiphany of Rosie Ming (Stimm)
- 2016–2017: Gaycation (Dokumentatschoon)
- 2016: Tallulah
- 2017: Flatliners
- 2017: The Cured
- 2017: My Days of Mercy (ok Produzent)
- 2019: Tales of the City (Minireeg)
- siet 2019: The Umbrella Academy (Feernsehreeg)
Videospelen
- 2013: Beyond: Two Souls
Priesen
[ännern | Bornkood ännern]Johr | Pries | Kategorie | Film/Reeg | wat dor rutsuurt is |
---|---|---|---|---|
2000 | Gemini Award | Best Performance in a Children’s or Youth Program or Series | Pit Pony | Nomineert |
2002 | Young Artist Awards | Best Performance in a TV Drama Series – Leading Young Actress | Nomineert | |
2003 | ACTRA Maritimes Award | Outstanding Performance – Female | Marion Bridge | Wunnen |
2003 | Gemini Award | Best Ensemble Performance in a Comedy Program or Series | Trailer Park Boys | Wunnen |
2004 | Atlantic Canadian Award | Outstanding Performance by an Actor – Female | Mrs. Ashboro’s Cat | Wunnen |
2004 | Gemini Award | Best Performance in a Children’s or Youth Program or Series | Wunnen | |
2005 | Best Performance by an Actress in a Featured Supporting Role in a Dramatic Series | ReGenesis | Wunnen | |
2006 | Fangoria Chainsaw Award | Relationship from Hell | Hard Candy | Nomineert |
2006 | Creepiest Kid | Nomineert | ||
2007 | Atlantic Canadian Award | Beste Schauspelerin | The Tracey Fragments | Wunnen |
2007 | Austin Film Critics Award | Beste Schauspelerin | Hard Candy | Wunnen |
2007 | Online Film Critics Society Award | Beste Nawussdorstellerin | Nomineert | |
2007 | Chlotrudis Award | Beste Schauspelerin | Nomineert | |
2007 | Empire Award | Beste Nawussdorstellerin | Nomineert | |
2007 | Satellite Award | Beste Hööftdorstellerin (Komödie/Musical) | Juno | Wunnen |
2007 | Austin Film Critics Award | Beste Schauspelerin | Wunnen | |
2007 | Chicago Film Critics Association Award | Beste Schauspelerin | Wunnen | |
2007 | Toronto Film Critics Association Award | Beste Schauspelerin | Wunnen | |
2007 | Las Vegas Film Critics Society Award | Beste Schauspelerin | Wunnen | |
2007 | Florida Film Critics Circle Award | Beste Schauspelerin | Wunnen | |
2007 | Pauline Kael Breakout Award | Wunnen | ||
2007 | Gotham Award | Breakthrough Award | Wunnen | |
2007 | Phoenix Film Critics Society Award | Breakthrough on Camera | Wunnen | |
2007 | Hollywood Film Festival | Beste Nawussdorstellerin | Wunnen | |
2007 | National Board of Review | Beste Nawussdorstellerin | Wunnen | |
2007 | WAFCA Award | Beste Nawussdorstellerin | Wunnen | |
2007 | New York Film Critics Circle Award | Beste Schauspelerin | Nomineert | |
2007 | San Diego Film Critics Society Award | Beste Schauspelerin | Nomineert | |
2007 | Southeastern Film Critics Association Award | Beste Schauspelerin | Nomineert | |
2007 | DFWFCA Award | Beste Schauspelerin | Nomineert | |
2008 | Oscar | Beste Hööftdorstellerin | Nomineert | |
2011 | MTV Movie Award | Beste Bangbüx | Inception | Wunnen |
2011 | Saturn Award | Beste Hööftdorstellerin | Nomineert | |
2013 | SpikeTV Video Game Awards – VGX 2013 | Beste Synchroonsprekerin | Beyond: Two Souls | Nomineert |
Weblenken
[ännern | Bornkood ännern]- Elliot Page in de Internet Movie Database (engelsch)
Footnoten
[ännern | Bornkood ännern]- ↑ Canadian actress Ellen Page comes out as gay: ‘I’m tired of hiding’. In: CBC News. 14. Februar 2014, afropen an’n 13. Juli 2018 (engelsch).
- ↑ Paul Wrusch: „Zu viel Mobbing, zu viele Suizide“. In: die Tageszeitung, 15. Februar 2014.
- ↑ „Ellen Page über Homoexualität“. In: Süddeutsche Zeitung. 25. März 2016, afropen an’n 13. Juli 2018 (Interview von Laura Hertreiter).
- ↑ Amanda Bell: Ellen Page: Straight Actors Who Portray LGBT Characters Shouldn’t Be Called ‘Brave’. In: MTV News. 27. August 2015, afropen an’n 13. Juli 2018 (engelsch).
- ↑ Lindsay Kimble: Ellen Page’s Girlfriend Samantha Thomas: 5 Things to Know. In: People. 14. September 2015, afropen an’n 16. Mai 2017 (engelsch).
- ↑ In ihr Herz getanzt: Dancing-Queen ist Ellen Pages Neue! In: Promiflash.de. 15. Juli 2017, afropen an’n 17. September 2017.
- ↑ Mike Miller: Surprise! Ellen Page Is Married to Emma Portner. In: People. 3. Januar 2018, afropen an’n 13. Juli 2018 (engelsch).
- ↑ Meet 15 Women Leading the Fight Against Climate Change. In: Time. 12. September 2019, afropen an’n 1. Januar 2020 (engelsch).
- ↑ Elliot Page: @elliotpage. In: Instagram. 2. Dezember 2020, afropen an’n 3. Dezember 2020 (engelsch); Zitaat: „Gefallt 1.811.777 Maal“.
- ↑ „Juno“-Star Page ist transgender: „Heiße Elliot“. In: orf.at. 1. Dezember 2020, afropen an’n 1. Dezember 2020.