Jeremy Renner
![](http://178.128.105.246/content-http-upload.wikimedia.org/wikipedia/commons/thumb/f/f0/82nd_Academy_Awards%2C_Jeremy_Renner_-_army_mil-66454-2010-03-09-180356.jpg/220px-82nd_Academy_Awards%2C_Jeremy_Renner_-_army_mil-66454-2010-03-09-180356.jpg)
Jeremy Renner (* 7. Januar 1971 in Modesto, Kalifornien) is en US-amerikaanschen Film- un Theaterschauspeler.
Leven un Wark
[ännern | Bornkood ännern]Renner is de öllste vun söss Kinner. He hett twee Börder un dree Süstern. He hett eerst teemlich laat anfungen, sik mit de Schauspeleree to befaten. Sien Filmdebüt weer 1995 de Filmkummedie Senior Trip. Gröttere Bekanntheit kreeg he vör allen dör sien Rullen in 28 Weeks Later un The Hurt Locker. Vör den letzten weer he 2010 to’n eersten mol för den Oscar vörslahn in de Kategorie Best Schauspeler. För sien Nevenrull in The Town is he dat Johr dorop wedder vörslahn wesen.
Ofschoonst he laat in dat Gewarf instegen is, hett he al in tallrieke Filmen mitmaakt. Butendem weer he ok al in Warfspots un in Musikvideos to sehn.
Filmografie (Utwahl)
[ännern | Bornkood ännern]Utteken
[ännern | Bornkood ännern]Renner is en spoodrieken Schauspeler, de för sien Arbeit al 43 mol (Stand: Januar 2013) för Filmpriesen vörslahn weer, dorünner ok tweemol för den Oscar. Wunnen hett he dorvun 21 Utteken, so as:
- 2001: den Speelfilmpries vun’t New York International Independent Film & Video Festival in de Kategorie Best Nevendorsteller för Fish in a Barrel
- 2006: den Dorstellerpries vun’t Palm Beach International Film Festival för Neo Ned
- 2008: den Slate Award in de Kategorie Best Schauspeler för Take
- 2009: den Satellite Award in de Kategorie Best Schauspeler in en Filmdrama för The Hurt Locker
- 2009: den NBR Award in de Kategorie Dörbrook-Leistung vun en Schauspeler för The Hurt Locker
- 2009: den CFCA Award in de Kategorie Best Schauspeler för The Hurt Locker
- 2009: den BSFC Award in de Kategorie Best Schauspeler för The Hurt Locker
- 2009: den Hollywood Breakthrough Award vun’t Hollywood Film Festival in de Kategorie Best Schauspeler för The Hurt Locker
- 2010: den NBR Award in de Kategorie Best Dorstellen vun en Ensemble för The Town
- 2010: den WAFCA Award in de Kategorie Best Dorstellen vun en Ensemble för The Town
Weblenken
[ännern | Bornkood ännern]- Jeremy Renner in de Internet Movie Database (engelsch)