Rutgers University
![](http://178.128.105.246/content-http-upload.wikimedia.org/wikipedia/commons/thumb/5/5e/William_of_Orange_Rutgers.jpg/250px-William_of_Orange_Rutgers.jpg)
![](http://178.128.105.246/content-http-upload.wikimedia.org/wikipedia/commons/thumb/9/96/Voorhees_Chapel.jpg/220px-Voorhees_Chapel.jpg)
De Rutgers University, offiziell The State University of New Jersey, is de gröttste Hoochschool in den US-Bundsstaat New Jersey. De Hööftcampus vun de Universität befind sück in de Städer New Brunswick un Piscataway. Twee lüttgere Campus liggen in Newark un in Camden. Rutgers bütt mehr as 100 Bachelor-Programme, 100 Master-Programme as ok 80 Doktoratsprogramme in 29 diplomvergevend Scholen un Colleges, vun de 16 Graduate-Programme anbeeden. De Rutgers University hörrt to de best staatlichen Universitäten vun de USA, den so nöömt Public Ivys, un is Liddmaat vun de Association of American Universities, en siet 1900 bestahn Verbund vun führend forschungsintensiver nordamerikansch Universitäten. In dat akademisch Johr 2013/14 gungen 26 Fulbright-Stipendiaten up de Rutgers University, de somit up Rang 3 vun de Research Universities achter de Harvard University un de University of Michigan stunn.[1] Dat Motto vun de Universität luut: Sol Iustitiae et Occidentem Illustra.
Geschichte
[ännern | Bornkood ännern]De hüüdige Universität gung ut dat 1766 grünnd Queen’s College hervör un is somit de achtöldste höhgere Bildungsinrichtung in den USA. Oorsprünglich weer se mit de Nederlandse Hervormde Kerk affilieert, is hüüd aber nich mehr religiöös orienteert. 1825 kreeg se den hüüdigen Naam to Ehren vun ehrn Mäzen Henry Rutgers, en Held vun den Unafhängigkeitskrieg[2]. De Hööftcampus befinnd sück in de Städer New Brunswick un Piscataway. 1946 hett sück de Rutgers mit de University of Newark, hüüd Newark Campus, un 1950 mit dat College of South Jersey un de South Jersey Law School, hüüd Camden Campus. Dör Verwaltungsakte van 1945 un 1956 wurr Rutgers to State University of New Jersey verklort.
Organisatorsch Gleedern
[ännern | Bornkood ännern]New Brunswick / Piscataway Campus
- Anwennt un Beropspsychologie
- Ingenieurwetenschapen
- Kommunikatschons-, Informatschons- un Bibliothekswetenschapen
- Künste (Mason Gross School of the Arts)
- Künste un Wetenschapen
- Douglass College
- Livingston College
- Rutgers College
- University College – New Brunswick
- Management un Arbeitsbeziehungen
- Pädagogik
- Pharmazie (Ernest Mario School of Pharmacy)
- Pleeg
- Planung und Öffentliche Richtlinien (Edward J. Bloustein School of Planning and Public Policy)
- Sozialarbeit
- Umwelt un Biologie
- Wertschaftswetenschapen (Rutgers Business School – New Brunswick)
- Graduate School – New Brunswick
Camden Campus
- Künste un Wetenschapen
- Rechtswetenschapen
- Wertschapswetenschapen
- Graduate School – Camden
- University College – Camden
Newark Campus
- Künste un Wetenschapen
- Kriminaljustiz
- Apenliche Angelegenheiten un Verwaltung
- Pleeg
- Rechtswetenschapen
- Wertschapswetenschapen (Rutgers Business School – Newark)
- Graduate School – Newark
- University College – Newark
Sport
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/5/5e/Rutgers_Stadium.jpg/220px-Rutgers_Stadium.jpg)
De Sportteams vun de Rutgers University sünd de Scarlet Knights. De Hoochschool is Liddmaat vun de Big Ten Conference siet 1. Juli 2014.
Besünnere Forschungsergevnisse
[ännern | Bornkood ännern]De Söökmaschien Teoma wurr dor entwickelt.
Berühmte Perfessers
[ännern | Bornkood ännern]- Ruth Adams (1914–2004), Perfessersche för Engelsch un Dekanin vun dat Douglass College
- Clayton Paul Alderfer (1940–2015), Psycholoog
- John Harry Dunning (1927–2009), britisch Ökonom
- Jerry Alan Fodor (1935–2017), Philosoph un Kognitschonswetenschapler
- Gary Lawrence Francione (* 1954), Rechtsperfesser un Deertenrechtler
- Käthe Bauer-Mengelberg (1894–1968), düütsch Soziologin
- Robert Ludlow Trivers (* 1943), Soziobioloog un Evolutionsbioloog
- Endre Szemerédi (* 1940), Mathematiker, Abelpries 2012
- Melitta Schachner (* 1943), düütsch Neurobiologin
- Lionel Tiger (* 1937), Anthropoloog
- Ousseina Alidou (* 1963), Sprachwetenschaplerin
- Gary Kuehn (* 1939), Künstler
- Helen Fisher (* 1945), Anthropologin
- Geoffrey Hendricks, Künstler
- Allan Kaprow (1927–2006), Künstler
- Alexander John Motyl (* 1953), Politikwetenschapler un Historiker
Bekannte Afsolventen
[ännern | Bornkood ännern]- Kenny Britt (* 1988), American-Football-Speler
- Deron Cherry (* 1959), American-Football-Speler
- Calista Flockhart (* 1964), Schauspelerin
- Carli Lloyd (* 1982), Footballnatschonalspelerin
- Judea Pearl (* 1936), Informatiker
- Ray Rice (* 1987), American-Football-Speler
- Paul Robeson (1898–1976), American-Football-Speler, Schauspeler, Singer
- Sebastian Stan (* 1982), Schauspeler
- Louise Audino Tilly (1922–2002), Historikerin un Hoochschoollehrerin
Weblinks
[ännern | Bornkood ännern]![](http://178.128.105.246/content-http-upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
Enkeld Nahwiesen
[ännern | Bornkood ännern]- ↑ Liste der Universitäten mit den meisten Fulbright-Stipendiaten. (PDF) Fulbright Program, afropen an’n 13. Februar 2014.
- ↑ Rutgers History. Rutgers University, afropen an’n 9. November 2012.
Koordinaten: 40° 44′ 30″ N, 74° 10′ 29″ W